Third Peron's POV
Hindi malaman ni Stacey kung matutuwa ba siya o ano sa among si Fritz. Ang sabi kasi nito ay pumili siya ng gusto niya kaya lang ang lumalabas ngayon ay ito na ang pumipili para sa kaniya. Ang mga damit, sapatos, bag at accessories na makitang maganda sa paningin nito ay kinukuha kaagad, hindi na tuloy magkanda ugaga ang mga sales staff na nag-a-assist sa kanila.
Sa huli ay ipinasuot sa kaniya ng binata ang black pencil cut dress na hanggang tuhod ang haba, tinernuhan niya iyon ng red stilleto shoes. Nakalugay lang ang lagpas balikat niyang v-shape na buhok. Hindi siya naglagay ng kahit na anong make-up sa mukha, maski na lipstick ay wala. Nagpulbo lang siya ng konti bago lumabas ng fitting room.
Parang nakakita ng kung ano si Fritz, hindi maipaliwanag ang reaksiyon n
