كبرياء مفقودة

حكايتنا تبدأ في بيت كبير من بيوت الصعيد المعروفة بتراثها وجمالها وجوة البيت الكبير دا عيله زهران من اكبر عائلات الصعيد بيحكمها سامر زهران رغم انو لسا شاب في الثلاثينات إلا أنه يعتبر المتحكم الأول والأخير في كل ما يخص عائله زهران وجو البيت ،،،،،،،علي سفره الغدا ،،،،،سامر بحزم بص لفريدة بنت اخوه وقالها اسلوبك مش عاجبني يا فريد في الدراسة ،،،،،فريدة بخوف قالتلو بس يا عمو انا بروح الجامعه بانتظام وبحضر كل المحاضرات بتاعتي ،،،،،،،سامر سكت شويه وقالها بهدوء صحيح عشان كدا شايله مادتين في نتيجه الترم الاول والله اعلم الترم دا هتعملى فيه ايه ،،،،،،،إيمان مامت فريدة بسرعه اتدخلت وقالت له معلش يا سامر انت عارف ان فريده كانت تعبت في الترم الاول انما هي ملتزمه وهتعوضها في الترم التاني ،،،،،سامر قالهم هنشوف كلها كام شهر والدراسه تخلص ونشوف وبعدين سكت شويه وبص لايمان مرات اخوة وقالها امال فين أمنة اختك يا ايمان!!!!!!! ،،،،،،ايمان ارتبكت اكتر وبخوف من رد فعل سامر قالتلو أمنة!!!!!أمنة في الجامعة كان عندها محاضره بدري ،،،،،،سامر سكت معلقش ولو في حاجه بتخوف اهل البيت كله من سامر فهوا سكوته ،،،،،،،وفي جامعه أمنة ،،،،،،،صفاء صاحبة أمنة قالتلها وهي بتغمزها بصي يا أمنة بصي ،،،،،أمنة اتخضت من طريقة صفاء صاحبتها وقالتلها ايه في ايه ،،،،،،صفاء بسرعه قالتلها بصي مش دا جاسر زميلنا ،،،،،،أمنة بصتله من غير اهتمام وقالتلها اه هو ماله يا صفاء ،،،،،صفاء قالتلها مش ناويه ترحمي الواد بقي يا أمنة انتي دوختيه خالص الواد عينه منك من الصبح منزلش عينه من عليكي ،،،،،،،أمنة اتعصبت وقالتلها بقلك ايه يا صفاء بصراحه جاسر دا انا مش بطيقه وبعدين دا كفايه مصايبه الي الجامعه كلها عرفاها ،،،،،،،صفاء قطعت كلام أمنة وهي بتقولها أمنة الحقي!!!!!! ،،،،،،،وفي البيت الكبير في اوضه فريده ،،،،،،ايمان كدا مينفعش يا فريدة سامر لو شافك لابسه كدا مش هيعديها ،،،،،،فريدة اتعصبت وقالتلها يماما اموت واعرف اشمعني عمي سامر الي متحكم فينا كدا دا حتي بابا وجدي مش بيقفو قصادة ،،،،،،،ايمان بهدوء قالتلها ومحدش اصلا يقدر بقف قصادة وكلنا لازم نسمع كلامه كمان ،،،،،،فريدة قالتلها وليه بقي دا كله علي ايه يعني ،،،،،،ايمان بعصبيه وحزم بصت لبباها وقالتلها لما تتكلمي عن عمك سامر مرة تانيه تتكلمي بأدب يا فريدة ،،،،،،فريدة ارتبكت وقالتلها مش قصدي يماما بس ،،،،،،،ايمان قاطعتها وقالتلها انا بس بعرفك يا فريدة مش مسموح ليكي تتكلمي علي عمك كدا لان لولا عمك سامر مكنش بقي عندنا بيت زي دا ولا ليكي اوضه لوحدك زي دي يمكن حتي مكنش يبقي معانا تمن اللبس الي انتي لابساه دا وغصب عنك هتغيريه يا اما مفيش جامعه النهاردة ،،،،،وفي شركه العيله او بالأصح شركة سامر ،،،،،سامر بحدة رمي الملف علي المكتب وقاله ايه دا يا استاذ محسن الي شايفه دا اسمه استهتار ،،،،،،،محسن المحاسب ارتبك وقاله ليه بس يا بشمهندس ساهر الحسابات صح كلها ،،،،،،ساهر قاله صح هوا ايه الي صح هوا انتا فاكر أن لما الحسابات يكون فيها لعب انا مش هعرف اتفضل يا استاذ محسن انتا متحول للتحقيق لحد لما نشوف العجز الموجود في الحسابات دا جه ازاي ونتفاهم ،،،،،،محسن بسرعة قاله ارجوك يا سامر بيه انا عندي اولاد هاكلهم منين صدقني العجز دا انا ماليش زنب فيه انا بقالي عمر معاك مفيش ولا غلطه حصلت مني ،،،،،،سامر ببردو قاله خلاص يبقي تعرف العجز دا حصل ازاي وكل لما عرفت بسرعة كل لما رجعت شغلك بسرعه واحد متعرف انتا موقوف عن العمل وابقي اشتغل في بيتك ،،،،،،،،،وفي البيت الكبير ،،،،،ابراهيم اخو سامر الكبير بص لابنه حازم بعصبيه وقاله انتا لسا لحد دلوقتي مرحتش شغلك يا حازم ،،،،،حازم ب**ل بص لبباه وجده وقعد وقاله معلش يبابا مش هروح النهاردة انا م**ل ،،،،،،ابراهيم بصوت عالي زعق في حازم وقاله قوم يا ولد ايه م**ل دي هيا حضانه هتروحها وقت منتا عاوز دا شغل وكفايه اوي طول السنين دي وسامر شايل كل حاجه لوحده رغم انك من سنه ،،،،،حازم بسخريه قاله وهوا شايل ايه يعني انا مش عارف بيعمل ايه سامر عشان تخافو منه اوي كدا ،،،،،،ابراهبم بقهر بص لابنه وقاله عارف يا حازم لولا عجزي في الكرسي دا انا كنت عرفتك مقامك دلوقتي ،،،،،حازم ارتبك وقاله يبابا ،،،،،،ابراهيم قاطعه وقاله امشي من قدامي روح شغلك مش عاوز اشوف وشك دلوقتي ،،،،،،وفي جامعه أمنة ،،،،،،امنة اتخضت وقالتلها ايه في ايه مين موت مين يا صفاء ،،،،،صفاء وهيا لسا علي نفس حماسها قالتلها جاسر جاي نحيتنا ،،،،،أمنة من جواها ارتبكت وقالتلها طب يلا نمشي روانا محاضره ،،،،،صفاء قالتلها طب بس استني نشوف عاوز ايه ،،،،،أمنة كانت هنتكلم وتزعق في صفاء لكن فوجئت بجاسر واقف قدامه وبيقلها ازيك يا انسه أمنة ،،،،،،،أمنة بصت لجاسر بسخريه وقالتلو اهلا يا جاسر بعد ازنك عندي محاضرة ،،،،،،،وفي بيت محسن ،،،،،،صبا قالتلو بحزن يعني ايه يبابا ،،،،،محسن بحسرة قالها يعني يبنتي قعدت من الشغل بصي يا صبا خدي الفلوس دي خليها معاكي اصرفي علي البيت وعلي اخوانك لحد لما ربنا يكرمني ،،،،،،صبا بحزن بصت للفلوس وقالتلو بس يبابا ،،،،،محسن قاطعها وقالها معلش يا صبا انا عارف انهم قليلين بس حاولي تخلي بالك في المصاريف لحد ربنا ما يف*جها وتتعدل ،،،،،،صبا قالتلو طب ايه يبابا ايه تتحمل نتيجه حاجه معملتهاش ليه مقلتش أن ابن اخوة حازم هوا سبب العجز دا ايه انتا الي تشيلها ،،،،،،،محسن سكت شويه وقالها مسير الحق يبان يبنتي حازم اه السبب في العجز وعايش باستهتار بس هما السبب في كدا اهلو هما الي عملو كدا ،،،،،صبا بعصبيه قالتلو طب واحنا زنبنا ايه نتحمل استهتاره وسرقته ،،،،،،محسن قالها بتعلي صوتك عليا ياصبا ،،،،،صبا بحزن قالتله اسفه يبابا بس احنا كدا الي هنتظلم واحنا مالناش زنب وماما يبابا هنجيب علاجها منين وفارس اخويا لسا صغيرومحتاج مصاريف كتير والجماعه بتاعتي و ،،،،،محسن قاطع بنته وقالها سبيها لله يا صبا يلا بقي حضري الغدا عما ادخل انام شويه ومن هنا لحد لما تصحي ربنا يف*جها ،،،،،،صبا ابتسمت وقالتلو حاضر يبابا باذن الله ،،،،،،وفي شركه سامر ،،،،،،حازم دخل مكتب سامر باستهتار وقعد وقاله بسخريه اهلا سامر ،،،،،سامر بصله بحزم وقاله لسا فاكر تيجي الشغل ،،،،،،حازم قاله مش شركتنا اجي وقت منا عاوز ،،،،،سامر بحزم قاله مفيش الكلام ده لو كل واحد عنده شركه قعد في البيت يبقي لا هنروح ولا هنيجي وانتا لو اتاخرت كدا تاني يبقي اعمل حسابك مالكش شغل هنا ،،،،،،حازم اتعصب وقاله انتا بتكلمني كدا ليه اولا دي مش شركتك ومالكش حق تقول كدا ،،،،،،سامر قاله لا ليا ولازم تعرف كويس أن انا عمك وتحترمني علي الأساس دا مش لاننا من سن بعض يبقي خلاص ورمي سامر ملف لحازم وقاله اتفضل شوف شغلك وراجع الملف دا ،،،،،،،حازم قاله ملف ايه دا ،،،،،،سامردا ملف حسابات الشركه راجعه حسابات الشركة دي فيها لعب انا حولت محسن للتحقيق اعرفلي العجز دا جه منين ،،،،،حازم ارتبك وقاله لعب في الحسابات لعب ازاي يعني ،،،،،سامر بصله بهدوء قاله معرفش شوف شغلك وحلها انا رايح معاد مهم ولما ارجع هنتفاهم ،،،،،،،وفي البيت الكبير ،،،،،،والد ابراهيم قاله انتا دلعت حازم اوي يا ابراهيم لماالولد عباره فلت ،،،،،ابراهيم بحزن قاله عندي حق يا بوي بس انتا عارف حازم دا اتولد ازاي وشاف ايه وهو صغير ،،،،،والد ابراهيم قاله مس حجه يا ولدي عشان تدلعه كدا شوف اهو من سن سامر اخوك شوف هوا كيف واخوك كيف ،،،،،،،ابراهيم بحزن قاله شايف يا بوي شايف ادعيله ربنا يهديه ،،،،،،والد ابراهيم قاله بدعيله يبني بدعيله بس الدعا مش كفايه لصلاح حال ابنك ربنا يهديه ،،،،،ابراهيم بحزن قاله يارب يا بوي يارب ،،،،،،،،،وفي جامعة فريدة ،،،،،،،فريدة وهي ماشيه بتكلم نفسها انها اتاخرت علي المحاضرة وفجاءة قالت اااااي وحست انها خبطت في حيطه ورفعت وشها ،،،،،،اياد بارتباك احم انا اسف جدا يا انسه مخدتش بالي اصل ،،،،،،،فريدة بعصبيه قالتلو اصل ايه وزفت ايه مش كفايه اني متاخره علي الصبح كمان اتخبط حظ ايه دا بس باربي ،،،،،،اياد قالها اسف جدا والله يا انسه بس انتي الي كنتي مشايه مش واخده بالك ،،،،،فريده قاطعته وقالتلو طب انا كنت ماشيه مش واخده بالي انتا بقي ايه كنت ماشي واخد بالك وقصاد تخبطني ،،،،،،اياد بسرعه قالها لا والله يا انسه اصل انا عندي محاضرة و ،،،،،،فريدة سبته ومشيت وهيا بتقول يعم روح انا مش عارفه انا نحس ليه مش كفايه الزفت الدكتور الجديد الي جايبينه كمان الطلبه بقم اغ*يه لا وسامر يقلي بتشيلي مواد ليه مهو من ال**ب دا صبرني يارب ،،،،،،اياد بصدمه وهوا بيبصلها وهي ماشيه سامر مين ودكتور ايه وطلبه ايه البنت دي يا اما مجنونه يا اما ع**طه ،،،،،،،وفي بيت محسن ،،،،،،صبا بصوت عالي فارس يا فارس ،،،،،،فارس خرج من اوضته يجري وقالها في ايه يا صبا ،،،،،،صبا قالتلو روح يا فارس صحي بابا عشان يجي يتغدي معنا انا اكلت ماما ،،،،،،فارس قالها طب متخلي بابا نايم شويه يا صبا اكون خلصت متش البلاي ستيشن بقي خليكي جدعه ،،،،،صبا بحزم قالتلو فارس اسمع الكلام صحي بابا عشان نتغدي عندي مذاكره وعاوزه اخلص ،،،،،،فارس قالها عشان خاطري بقي يا صبا طب بصي رلع ساعه بس ،،،،،صبا ولا حتي عشر دقايق ها هتدخل تصحي بابا يتغدي معانا ولا ادخل انا وابقي اقوله بالمرة علي درجاتك في امتحان الرياضه ،،،،،،فارس ارتبك وقالها هه لا انا داخل اهو وبلاش ماتش ،،،،،صبا ضحكت وقالت ناس متجيش غير بالعين الحمرا ،،،،،،،وفي جامعة أمنة ،،،،امنة كانت لسا هتمشي هيا وصاحبتها لقيت جاسر بيمسك اديها ولسا هتزعق لقيت سامر واقف ،،،،،،سامر بعصبيه وهوا بيشد ايد امنه وقال في ايه وايه الي بيحصل هنا ،،،،أمنة لاول مرة حاسه انها خايفه من سامر ارتبكت ولسا هتقول الي حصل اصلا يا ،،،،،،سامر قالها بعصبيه اسكتي انتي مش عاوز اسمع صوتك ،،،،،جاسر قرب وقال لسامر وانتا مالك واحد وحبيبته بتدخل ليه ،،،،،،أمنة بصدمه بصت لجاسر وقالتلو انتا مجنون ،،،،،جاسر لسا هيقرب منها ويتكلم فوجئ بضربه من سامر ،،،،،،،،امنة بخوف وصدمه من الي حصل قلتله بصراخ وبسرعه بس يا سامر ،،،،،،،سامر بحدة وعصبيه قالها طبعا يا هانم خايفه علي حبيب القلب انا هوريكي واوريه ،،،،،،،وفي شركه العيله ،،،،،،حازم وهو في مكتبه بيتكلم في الموبيل انتا بتقول ايه ازاي يعني مش موجود انا عاوز محسن بتاع الحسبان دا من تحت الارض وقفل التليفون وطلب السكرتيره ،،،،،،السكرتيرة دخلت وقالتلو نعم يا حازم بيه ،،،،،حازم بعصبيه انا عاوز عنوان محسن ،،،،،،السكرتيره قالتلو باستغراب محسن !!!!!محسن مين يا فندم ،،،،،،حازم قالها بعصبيه انتي غ*يه محسن بتاع الحسبات هوا في غيره ،،،،،السكرتيره ارتبكت وقالتلو بس دا مش تخصصي يا فندم انا معرفش اجيبه ،،،،حازم قالها وانا بقلك عاوز عنوانه وقدامك ساعه واحدة يا اما تجيبيلي عنوانه يا اما اعتبري نفسك مرفودة فاهمه ،،،،،،السكرتيره ارتبكت اكتر وقالتلو فاهمه فاهمه يا فندم ،،،،،،،وفي جامعه فريدة ،،،،،فريدة دخلت مدرج الجامعه وقعدت جنب اصحابها وهي بتحمد ربنا أن الدكتور لسا مجاش مفيش دقايق ولقيت اياد الي خبطت فيه داخل ووقف مكان الدكتور ،،،،،،فريدة وهي بتكلم نفسها هوا ايه الي جاب الواد دا هنا هوا ع**ط يقف مكان الدكتور ،،،،،،اياد مسك الميكروفون وبص للطلبه قدامه ارتبك لحظه لما شاف فريدة بس من جواها ضحك ضحكه انتصار لما اتاكد انها في الطلبه بتوعه وقال في نفسه ماشي انا هوريكي الدكتور الزفت هيعمل فيكي ايه وبصوت عالي بص للطلبه وخصوصا فريده وقال ازيكم انا دكتور اياد الدكتور الجديد بتاعكم وهكمل معاكم الترم بدل دكتور احمد ،،،،،فريدة بصدمه قالت بصوت واطي ينهار اسود دا الدكتور سوادك يا قرمط هتتعلقي يا فريده بقي مش كفايه سامر عليا كمان الدكتور شلت المادة ،،،،،اياد بسخريه قالها بتقولي حاجه يا انسه ،،،،،،فريدة بارتباك هه لا يا دكتور ابدا ،،،،اياد كمل لا لو هتقولي حاجه او بتقولي حاجه عرفينا بردو نحب نسمع ،،،،،،،،فريدة خافت وارتبكت اكتر وقالتلو والله ابدا يا دكتور مفيش حاجه ،،،،،اياد قالها تمام المره دي هتعدي عشان اول محاضره بعد كدا لو اتكلمت انتي او اي حد في المحاضره هتطلعو برا مفهوم ،،،،،،فريدة بقهر قالتلو مفهوم يا دكتور ،،،،،،وفي جامعه أمنة ،،،،،،،حرس الجامعه فض الخناقه الي كانت بين جاسر وسامر وخدهم مع أمنة للعميد ،،،،،،عميد الجامعه قالهم ها خير باذن الله بتتخانقو علي ايه ،،،،،سامر بثقه قاله وهوا بيشاور علي جاسر الاستاذ دا كان بيعا** خطيبتي ،،،،،،العميد انتبه لصوت سامر وشكله وقاله انتا سامر زهران ،،،،،،سامر سلم عليه وقاله ازبك يا دكتور لسا فاكرني ،،،،،،المعيد ضحك وقال لسامر وهوا انتا الي زيك يتنسي يا سامر بقي يا راجل بعد خمس سنين دراسه والاول علي الجامعه ترفض تتعبن لا وكمان ترفض المنحه للسفر انتا الوحيد الي اقول في حقه أن الهندسه خسرت كتير ،،،،،سامر ابتسم وقاله الحمد لله يا دكتور كل واحد بياخد نصيبه والف مبروك لحضرتك علي الترقيه ،،،،العميد ابتسم وقاله شكرا يابني منتا لو كنت وافقت تتعين في الجامعه كان زمانك ممكن في يوم من الايام تبقي مكاني ،،،،،،،سامر ابتسم وقاله المكان والنصب منور بيك يا دكتور ،،،،،،العميد قاله خير بقي في ايه بتتخانق مع الطالب دا ليه ،،،،،،سامر قاله بص يا دكتور الحمد لله انك صعيدي زيي وهتقدر موقفي انا جاي اخد خطيبتي من الجامعه الاقي الاستاذ دا ماسك اديها غصب عنها يصح ،،،،،،،أمنة بعصبيه وبصدمه قالتلو بس انا مش خطيبتك ،،،،،سامر بتحذير وهوا بيبصلها خلاص بقي يا أمنة مكنش خلاف بسيط حصل ،،،،العميد بص لمامته وشاور علي جاسر وقالها هوا الطالب دا دائما بيتغرضلك ،،،،،،أمنة بعند بصت لسامر وقالت لا يا دكتور جاسر زميل ليا وكان بيسالني علي حاجه بس البشمهندس سامر الي عصبي زيادة ومفهمش الموقف ،،،،،،جاسر بص لسامر بسخريه وقال ايوا يا دكتور دا الي حصل وبعدين احنا زملا اكيد يكون في نقاش بينا ،،،،،العميد انحرج وبص لسامر الي كان وشه هينفجر من الغضب وقاله انا رايي نحلها ودي يا بشمهندس سامر ،،،،،سامر قاله تمام يا دكتور حصل خير ومشي هوا وامنه وجاسر بعد لما سلم علي العميد واتعهدوله بان الموقف دا ميتكررش تاني ،،،،،،،،وفي بيت محسن المحاسب ،،،،،فارس خرج من اوضه بباه وقالها صبا بابا مش راضي يصحي ،،،،،صبا بانزعاج قالتلو لا ادخل صحيه تاني يا فارس عشان لازم يتغدي معاد الدول بتاعه قرب ،،،،،فارس قالها صحيته كتير اوي ياصبا وبرضو مش بيرد عليا ولا راضي يصحي ،،،،،صبا قالتلو معلش مش تاني صحيه ومتجيش غير لما يصحي لحد لما اجهز السفرا يلي يا فارس بسرعه عندي مزاكرة اد كدا ،،،،،فارس قالها يا صبا !!!ياصبا فيها ايه يعني لما نسيبه ينام شويه هيحصل ايه يعني ،،،،صبا بعصبيه قالتلو فارس ،،،،،فارس قالها خلاص يا ست صبا مكنوش درجتين دول الي هتزليني بيهم اهو رايح اصحيه ،،،،،،وفي البيت الكبير ،،،،،،امنة دخلت وقعدت علي الكرسي ساكته مصدومه من الي حصل ويتكلم نفسها انا !!!!انا فريدة زهران يتقلي هتنطردي من المحاضره انا ،،،،،ايمان بصوت عالي فريدة بت يا فريدة ،،،،،،فريده وهي بتكلم نفسها انا يتعمل فيا كدا حته دكتور شبر ونص يقولي هتخرجي برا المحاضره ويشمت فيا ،،،،،،،ايمان بصوت عالي انتي يا فريدة انتي يا زفته بتقولي ايه ،،،،،،،فريدة بخضه ايه يماما في ايه هه في ايه مش كفايه الي انا فيه ،،،،،،ايمان قالتلها وايه الي انتي فيه يختي تعالي بدل منتي بتكلمي نفسك زي العيله كدا جهزي الغدا معايا ،،،،،فريدة بصدمه انا !!!!!!انا اجهز الغدا هوا انتو كلكو عليا ليه ،،،،،،،ايمان قالتلها يارب صبرني هوا انا حظي مائل في عيالي ليه ،،،،،،فريدة بسرعه قالتلها بصي يماما الحمد لله انك ست كمل كدا وعارغه اصلا اني خلفه مائله فمش هعرف اساعدك في حاجه وسابت فريده مامتها ومشيت بسرعه ،،،،،،ايمان بقهر ادي اخر دلع ابوكي فيكم اعمل ايه بس بكره يا فريدة تاخدي علي دماغك وابقي قولي امي قالت ،،،،،،فريدة بصوت عالي سمعاكي يماما هقول متخفيش ،،،،،،وفي جامعه امنه ،،،،امنة بعصبيه قالت سيب ايدي يا سامر بدل ما اف*ج الشارع عليك ،،،،،سامر بعصبيه اكتر قالها والله يا امنة لو ممشممشتيش ساكته من غير صوت وركبتي الغربيه من سكات انا الي هوريكي بجد ،،،،،،امنة بعصبيه قالتو يعم ابعد عني مالك بيا كنت منةبقيه اهلك والله لهقول لعمو ابراهيم وايمان اختي انتا مالك بحياتي تجيلي الجامعه ليه هه ليه ،،،،،،سامر بحده وبتحذير قالها أمنة ،،،،،امنة من جواها حست انها خايفه وفضلت انها تسكت وتركب للعربيه بهدوء ولما تروح البيت تبقي تعمل الي هيا عوازاه خاصه أن فعلا كانت الناس بدات تتف*ج عليهم ،،،،،،،،وفي البيت الكبير ،،،،،،ايمان قالت لجوزها بقلك ايه يا ابراهيم شفلك حل في عيالك انا زهقت ،،،،،،ابراهيم قالها في ايه بس يا ايمان حصل ايه ،،،،ايمان قالتلو بنتك فريدة كبرت ومبقتش قادرة عليها ،،،،،،ابراهيم قالها ازاي يعني عملت ايه بس أنا كنت فاكرك هتكلميني عن حازم ،،،،،،ايمان قالتلو لا حازم اه طريقه حياته مش عجباني بس اهو ولد في الاول والاخر كلام الناس مش هيقصر عليه انما فريدة ،،،،،ابراهيم بعصبيه قالها بسرعه وهوا بيقطع كلامها قطع لسان اي حد يقول علي بنتي ربع كلمه مفيش فرق بين الولد والبنت في الاخلاق يا ايمان وانا عارف بنتي علي ايه هيا اه فريدة مدلعه عصبيه شويه وعلفكره هيا واخده الطبع دا من اختك أمنة بس هيا قلبها طيب وانا واثق فيها ،،،،،ايمان بعصبيه قالتلو خليك كدا مدلعها يا ابراهيم وفي الاخر نقول ياريتنا ،،،،،،،ابراهيم قالها بنتي تدلع وتنبسط في حياتي يا ايمان يا عالم من بعدي هتعمل ايه صاحبيها يا ايمان بدل ما تحسبيها ،،،،،،وفي شركه العيله ،،،،،،حازم طلب السكرتيره مره تانيه واول لما دخلت قالها ها عرفتي العنوان ،،،،،،،السكرتيره بارتباك قالتلو ايوا يا حازم بيه بس ،،،،،حازم قالها بس ايه جبتيه ولا لا ،،،،،السكرتيره ارتبكت اكتر وقالتلو ايوا جبته بس لو سامر بيه ،،،،،،حازم اتعصب جدا وبصوت عالي قالها سامر ايه يا انسه هوا انا مش مالي عينك في العنوان ،،،،،،السكرتيره خافت من حازم بس خوفها علي شغلها اكتر خلاها تقوله بس يا حازم بيه البشمهندس سامر هوا المدير للشركه و ،،،،،،حازم قاطع كلامها وقالها هاتي العنوان والا هتكوني مرفودة فاهمه ،،،،،السكرتيرة اديتو العنوان وقالتلو بخوف فاهمه يا فندم فاهمه ،،،،،،وفي عربيه سامر ،،،،،،سامر بغضب بص لمامته وقالها الهانم اسال عليها يقولو في الجامعه اجي اشوف الاقيها بتحب في الجامعه بدل ما تتعلم ،،،،،،أمنة بعصبيه قالتلو احترم نفسك يا اسمك ايه انتا مش معني انك اخو جوز اختي انك يبقي ليك حق ولا كلمه عليا وايه بتحب دي انتا قليل الادب ،،،،،،سامر اتعصب اكتر وقالها عارفه يا أمنة انا الي مسكتني عليكي اننا برا البيت لكن لو فاكره اني هعديهالك تبقي غلطانه فاهمه ،،،،،،امنة بعناد قالتله ومين قالك اني عوزاك تعدبها تصدق خفت منك انا اصلا الي مش هسكت علي الي انتا عملته لا وبتقول للعميد انك خطيبي انتا خطيبي انا ليه كنت اتعميت انا ،،،،،،سامر بصوت عالي قالها أمنة وقرب منها وبتحذير قالها انتي مصممه تستفزني هه بصي خافي مني احسنلك دلوقتي واقفلي بوقك دا لحد ما نوصل البيت والا أنا مش مسؤل عن الي هيحصل وبصوت عالي خض امنه قالها فاهمه !!!!! ،،،،،،،وفي بيت محسن ،،،،،،حازم خبط علي الباب وفتحت له صبا ،،،،،صبا بصت لحازم وقالتلو نعم خير في حاجه ،،،،،حازم فضل متنح شويه اول لما شاف صبا وجمالها الي فوق العاده فعلا ورغم انو شاف بنات كتير جميله الا انو مش بدرجه جمال صبا حازم بسرعه انتبه علي نفسه وقال احم استاذ محسن موجود ،،،،،، ساعتها فارس خرج تاني من اوضه بباه وقالها بصوت عالي يا صبا انا زهقت بابا مش راضي يصحي تعالي انتي بقي ،،،،،،،حازم بص لصبا بانبها وقالها صبا اسمك صبا اسم غريب بس جميل !!!!جميل اوي ،،،،،،صبا بارتباك و**وف قالتلو نعم !!! ،،،،،،حازم قالها احم انا مدير الاستاذ محسن في الشغل وكنت عاوز اقابله ،،،،،صبا قالتلو فارس تعالي قابل الضيف لحد لما اروح انا اصحي بابا وشاورت لحازم علي اوضه الضيوف وقالتلو اتفضل دقائق وانادي لبابا ،،،،،،،وفي البيت الكبير بعد لما روحو امنه وسامر يا تري هيحصل ايه تابعو معانا الحلقه الجايه .