اون**

الفصل الثانى

روايه أون**

بقلمي دنيا صابر

الفصل الثانى

بعد اسبوع ……

ف لندن الساعه 10 الصبح فتح عيونه و بسرعه غمضها تاني لما حس بصداع جامد , بدا يدلك راسه و فتح عين واحده و بدا يقعد ع السرير و بس وقف حركه مره واحده لما حس بجسم نايم جمبه ,رفع اللحاف و اكتشف ان ف بنت شبه عاريه نايمه ف السرير جمبه عقد حواجبه و بيحاول يفتكر اي اللي حصل و اي الي جابها هنا , لحد ما بدا يستجمع اﻻي حصل امبارح ……

فلاش باك

كان قاعد ف بيته مستني تنفيذ اول خطه ف العمليه و اللي هتحصل بعد حضور الضيف اللي هو اساسا مستنيه و اللي اتاخر عن معاده

قاعد و التوتر و اضح ع ملامحه مستني رجل من اهم الرجال السياسين ف لندن بص ف الساعه بتوتر

فضل يدخن و هو بيحاول يبلل من توتره شويه و يهدي و بعد نص ساعه سمع صوت العربيه اتن*د و اخد نفس طويل و اتوجه عند الباب و اللي كانت هناك وحده من خادماته بتفتح الباب للضيف كان راجل واضح من شكله انه ف نهايه الاربعينات و معاه بنت اجنبيه واضح جدا من ملامحها و شكلها دا

ليث استقبلهم و دخلهم اوضه الضيوف و بعد ما ضايفهم و مناقشه و كلام بينهم قدر ليث ينفذ اول خطوه ف عمليه استدراج اكبر قدر من المعلومات من جاك بعد ساعه من الحوار بينهم

جاك و هو بيغمز ل ليث و بيحط ايده ع البنت اللي كانت قاعده جمبه طول الوقت و بابتسامه خبيث : اتمني ان تقبل هديتي لك مستر ليث ف قد استمتعت بمرور وقتي معك

ليث و هو يتفحص البنت و قد فهمه مقصد جاك : بالطبع ساقبل مستر جاك , وانا ايضا استمتعت بوقتي معك

جاك و بيقف من مكانه : اذن فسوف استاذن انا

ليث و بيسلم عليه : سعدت بلقاءك

باااك

ليث و بيض*ب جبينه و هو بينفخ و متعصب : اي اللي انا عملته دا هو دا وقت لعب

قام و هو معقد حواجبه و اخد شاور و دماغه مليانه افكار لبس و نزل ركب عربيته و هو مطنش البنت اللي فوق و مطنش الوضع من اساسه و هو سايق جي ف باله شكل صدفه و هي م**وفه عقد حواجبه و ولع سيجاره و مسك فونه و اتصل

ليث : اخبارك داده منيره

منيره : اهلين يا ابني انا تمام طمني عليك

ليث : تمم , كنت حابب اسال عن اوضاع البنات

منيره : كويسين الحمد الله , و ف عيوني

ليث : انا عارف , لما يرجعوا من المدرسه ابقي اتصلي عليا يا داده

منيره : حاضر

ليث : مع السلامه

قفل , و قلب ف فونه ع رقم معين

و اتصل ……

ليث : السلام عليكم , يارب مكنش ازعجتك , كنت حاابب اتطمن ع اوضاع البنات

المدير : وعليكم السلام استاذ ليث , ولا ازعاج و لا حاجه , البنات ف عيونا و اوضاعهم تمام , هو رقيه نفسيتها مش تمام الفتره اللي فاتت بس انا ملاحظ مؤاخرا انها بدات تتحسن و……

ليث : طيب و اي موجوع المشرفه دا !

المدير باستغراب : مشرفه!!!

ليث بايجاز : اعتقد ع ما اتذكر اسمها صدفه بناتي الفترت الاخيره بيتكلموا عنها كتير , هما ف مشكله او حاجه !

المدير بسرعه : لا لا ابدا , بس ميس صدفه مشرفه جديده هنا ف المدرسه جيت من 5 شهور و البنات كلهم متعلقين بيها و بيحبوها جدا

ليث بشك : اكيد

المدير : اه يا فندم

ليث : تمام مش هوصيك ع بناتي

المدير بسرعه قبل ما ليث يقفل : استاذ ليث , كنت حابب اقول لك ان ف حفل المدرسه محضراه لتكريم الاطفال المتفوقين ومن ضكنهم بنات حضرتك رحمه و رقيه ف كنت بقول لو حضرتك تحض……

قاطع كلامه ليث : ان شاءالله, انت عارف الوضع , ابعتلي اليوم و ربنا يسهل , و معتقدش اني هاجي بس برضوا مش هيضر اني اكلم البنات بعد الحفله و اباركلهم , مع السلامه

و قفل و هو بيتن*د و بيفكر يشوف اي وسيله يتواصل معاها طالما بناته حبوها و اتعلقوا بيها يبقي يقربها منهم عشان تعوضهم عن غيابه عنهم

…………………………

ف المدرسه و هي مندمجه ف تضبيط ت**يم الد*كور بتاع الحفله اللي بعد 15 يوم قاطع تركيزها دخول رحمه و هي باصه ف الارض

رحمه : اذيك يا ميس !! , ممكن اطلب من حضرتك طلب

صدفه بابتسامه : طبعا يا روما

رحمه بحب : ممكن حضرتك تيجي النهارده معانا تعلميني زي المره اللي فاتت ركوب العجله

صدفه : بس كدا من عيوني حاضر هحلص الشغل وانتوا خلصوا حصصكوا و تعالولي هنا و نروح سوا

رحمه بفرح : بجد , انا بحرك اوي يا ميس

صدفه و هي مبسوطه ع فرحتها : ع فصلك يلاا

مشت رحمه و هي بصت ع الورق اللي قدامها و هي مقرره ترجع تركز ف شغلها بس فجاءه جي قدام عينيها طيف ليث و نظراته ليها و هدوءه ف كلامه

(اي يا صدفه انتي وقعتي و لا اي , بس حلو بشكل و رزين كدا و حنون ف نفسه , هوووس عيب يا صدفه انتي هتعا**ي الراجل و لا اي )

عدي اليوم بسرعه و هي مستمتعه بيومها مع البنات و مبسوطه انها معاهم عوضوها عن فقدان اهلها و بيسلوا قتها و بيبعدوا الزهق و الوحده عنها , هي كانت محتاجه وجوده اكتر من ما هما محتاجنها , بقيت تسمع منهم عن بطولات باباهم و حنيته عليهم و عن اخباره و جديده البنات اتعودوا عليها جدااا و هي كمان

بعد مرور اسبوعين

قاعده ف بيتها بعد ما روحت من المدرسه و اعتذرت من البنات مش هتنفع ترح معاهم و تعلم رحمه ع العجله لانها حاسه بارهاق و تعب

ممدده ع السرير و سرحانه ف طيفه اللي بيزرها و يخطر ع بالها كتير الفتره الاخيره و هي مستغربه نفيها و مستغربه تفكيرها ازاي تفكر ف شخص مشفتوش و اتكلكت معاه الا مره واحده ازاي اتعلقت بيه كدا !!!!

قاطع تفكيرها رنت فونها بتبص ف فونها لقت رقم غريب و بره مصر طنشت مره و اتنين و التالته

عقدت حواجبهاو ف بالها( رقم دولي مين يعرفني ب,ه مصر دا !! اما ارد و خلاص و ردة

صدفه بتوتر : الو

ليث و هو حاسس انه محتاج يسمع صوتها اكتر ف سكت منتظرها تتكلم تاني

صدفه بقله صبر : الوووو ,اي يا عم ياللي ع الخط انت مش معقول رانن عليا عشان تسكت , ساعه بنرن و لما رديت رايح تس…

قاطع كلامها صوت ضحكته

ليث بضحكه : اهدي طيب اي بالعه راديو , خدي نفسك طيب

صدفه سكتت

ليث بابتسامه : اخبارك ميس صدفه

صدفه بتوتر يعرف اسمي منين البني ادم دا : مين معاياا

ليث و مقرر يوترها زياده : جاوبي طيب عليا طمنيني عنك

صدفه بقله صبر : قلت مين معايا !!

ليث بضحكه : طيب طيب اهدي انا ليث والد رحمه ورنا

صدفه و خافت يماما و دا عايز مني اي انا معملتش حاجه لا ليه و لا لبناته يرن عليا ليه انا مالي و مال الحكومه طول عمري ماشيه جنب الحيط , اهدي يا صدفه اي دخل الحكومه ف انه يتصل عليكي ممكن عايز يسال عن حاجه ف المدرسه , طب و يرن عليا ليه ما يزن ع رقم المدرسه ,…

قاطع تفكيرها : انسه صدفه , سمعاني

صدفه : ها… اه اه سمعاك , انت جبت رقمي منين , و عايز مني اي

ليث و حب يلعب باعصابها و يوترها : اخدته من المدير قلت ابلغك اني مش هسكت و هصعد الي عملتيه للبنات لمنظمه حقوق الطفل

صدفه و اتوتره فعلاا : هااا … ليه انا عملت اي

ليث و مكمل : ازاي يا مربيه الاجيال تعملي كدا ف بنتي و تخليها تعي…

صدفه بسرعه و بدفاع عن نفسها : والله مليش دعوه انا قلت لها اني هاخد البلونه العب بيها شويه و هي اللي فرقعت لوحدها و انت عارف رقيه عيوطه و عيطت بسرعه بس مش انا اللي فرقعتها لو دا السبب ف خلاص انا بطلت مش هلعب بالبلونات تاااني خااااالص

ليث و مقدرش يمسك نفسه اكتر من كدا و ضحك ضحكه رجوليه عاليه دوبت معاها قلب صدفه

ليث و بيحاول يهدي نفسه : اهدي اهدي , دا مقلب مفيش حاجه و بعدين بالونة اي اللي بتلعبي بيها هو ف انسه كبيره و عاقله زيك تلعب و بتدين انا كنت بتصل بيكي لموضوع تاني خاالص

صدفه و بتاخد نفس عميق براحه : موضوع اي

ليث بهدوء : الموضوع هو البنات رحمه و رقيه , اخدت بالي الفتره الاخيره انهم بيكلموني عنك كتير و واضح انهم اتعلقوا بيكي و متجاوبين معاكي و دا باين عليهم ف كنت بطلب انك بعد ما تخلصي شغلك ف المدرسه تبقي تاخدي فتره مساءيه معاهم ف البيت ك مربيه اطفال و المبلغ اللي تطلبيه هدفعه , البنات محتاجين حد كبير معاهم و ف نفس الوقت يكونوا بيحبوه , انا عارف انهم محتاجني بس انا مش بايدي اكون معاهم ف فكرت لو تشتغلي مربيه للبنات و ……

صدفه بنرفزه : اشتغل !! بيبي ستر يعني !!!

……………………………………………………

عندما يمتلئ القلب بالحب الصادق

لا فرق بين البعد والقرب فمن يعشق الروح لن يجد في كل الاشخاص بديلا ..."

ف اوضتها عماله تلف راحه جايه متعصبه و متنرفزه بعد ما قفلت السكه ف وشه ازاي يتجراء و يقول لها كدا هي قعده تدرس كل دا عشان ف الاخر يقول لها تشتغلي بيبي ستر , انا اخصائيه اجتماعيه برتبه ممتاز يقول لي بيبي ستر انا مربيه ليه ان شاء الله منرفزني يا رتني ما قفلت السكه و كنت اديته كلمتين يعرفوا ان الله حق دا مش منظر خااالص

دقايق و فونها رن تاني

دا د دا هو يا نهااار اسسسوح انا عملت اي , اجمدي يا صدفه انتي مش لسه قايله هتديله فوق دماغه , دا انا ع**طه , ادي لمين فوق دماغه بحلاوته دي احم ام ارد احسن

صدفه : الوو , نعم , خير

ليث :,انا ابعتذر , ممكن تكوني فهمتي قصدي غلط انا اقصد انك تبقي مشرفه ع البنات و انا مش موجود مش قاصدي تبقي خدامتهم يعني , انا مش عارف ازاي افهمك قصدي بس انا بعتذر انك فهمتيني غلط و ازعاجي ليكي و اني بطلب منك حاجه انتي مش مجبوره او ملزومه انك تعمليها

صدفه بهدوء ورقه : بالع** والله انا بحب رحمه و روكا و انا فكرت و قررت خلاص مفيش مشكله اني اخلص شغلي ف المدرسه و اكمل بقيت اليوم مع البنات

ليث و هو ضايع ف رقت صوتها : انتي مش مجبره ع كدا صدقيني

صدفه بدلع غير مقصود : لا لا انا عارفه اني مش مجبره انا بعمل كدا عشان انا محتاجه اعمل كدا

ليث بتنهيده و هو حاسس دقات قلبه زادت و الموضوع دا خنقه : خلاص تمام ابقي اطمنت كدا ع البنات , و قولي المبلغ اللي تحبيه و انا هب…

صدفه مقاطعه : لا حضرتك فهمتني غلط انا مش عايزه فلوس انا هبقي معاهم مش عشان الفلوس انا بحبهم عشان كدا عايزه اقضي وقتي معاهم

ليث و هو خلاص داب ف حنيتها و رقتها : احم , تمام , سجلي رقمي عشان لو حبيت اسال ع البنات و اطمن عليهم اكلمك دا لو معندكيش مانع

صدفه بتوتر :هاا : تمام هسجله

ليث : اوك باي

صدفه بتوهان : باااي و هي حاطه ايدها ع قلبها و عماله تتكلم بصوت عالي ( يخربيت كدا بطل دق , انت بتدق ليه انت انا مش فاهمه , اي نعم هو رزين و صوته يهبل و جميل بس …ممم اسكتي يا صدفه و بطلي تفكير الراجل عنده عيال و ضابط ف المخابرات فوقي كدا و اوعي تحلمي لان مستحيل يحصل

………………………………………………

فات اسبوع و الدنيا تمام و مفيش اي جديد

خلصت شغلها و معاد رجوعها للبيت و بتاكل و تضبط نفسها و ع الساعه 5 تروح بيت رحمه و رقيه

اتن*دت و هي بتفكر و خرجت ركبت عربيتها هي اي نعم شبه خرده بس اهو ماشي حالها عما تبقي تجمع مرتبها و تحوش حق عربيه جديده و دا فيها سنين

فونهة رن و كانت صاحبتها اسماء ردت و هي زهقانه

اسماء : فينك يا زفته هانم , بتصل عليكي من بدري مبترديش ليه هااا

صدفه بهدوء مريب : بفكر

اسماء باستغراب : بتفكري ! صدفه هو انتي زي الناس كدا بتعرفي تفكري !!!!! , و يا تري بتفكري ف اي

صدفه و بتقلب عينيها بملل من كلام صاحبتها : اولا انتي سخيفه , ثانيا هيييح بفكر فيه

اسماء : نهااار اسوح ف مين

صدفه بنداله : ف اللي شاغل تفكيري

اسماء : اللي هو مين

صدفه بتوهان : هو ممكن يا اسماء احب حد شوفته مره واحده

اسماء : تحبي !!! مره واحده !!! هو مين

صدفه : بس هو قالي هيتكلم تاني و من يومها و متكلمش تاني !!تفتكري هيتكلم

اسماء و مش فاهمه : صدفه انا مش فاهمه حاجه هو انتي مالك !

صدفه : ولا حاجه انا هقفل الوقتي

اسماء : تمم و انا هجيلك بكره عشان تحكيلي

صدفه : طيب

و قفلت و وقفت عربيتها لم وصلت للبيت

نزلت و رنت الجرس و لقت البنات بيجروا عليها عشان يحضنوها بعد ما الداده فتحت الباب ابتسمت لهم و حضنتهم مع بعض و باستهم

صدفه موجهه كلامها ل رقيه و رحمه : يلا يا روكا هةتي ال**بك و تعالي الجنينه الخلفيه و انتي يا رحمه البسي الخوذه و تعالي عشان نكمل تدريب ع العجله

طلعوا جري البنات ينفذوا كلامها و لعبوا و استمتعوا بوقتهم و روحت ع الساعه 9 و هكذا الروتين لحد ما ف يوم كانت مروحه و تعبانه و مرهقه و مصدقت اخدت شاور عشان ترتاح و تنام و لسه بتتغطي بالحاف سمعت فونها بيرن : يادي اليله اللي مش عايزه تخلص تعبانه يا ناااس و مين عم المزعج دا , بتبص ع الاسم , هاااا و قلبها اشتغل طبله و عمال يدق جامد و رده ع الفون بلهفه و مش واخده بالها ان اللهفه واضحه جداا للي يسمعها : الو, اهلا استاذ ليث

ليث : مساء الخير , يارب ما اكون ازعجتك

صدفه بسرعه وع وشها ابتسامه هبله : لا لا و لا ازعاج و لا حاجه يا استا

قاطعها ليث : ليث

صدفه بعدم فهم : هااا!!!!!

ليث بشرح : اسمي ليث من غير ما تقوليلي استاذ , انا مش بحب جو الرسميه و ناوي اقول لك انسه صدفه بدون استاذه و ميس و كدا ف من العدى تقوليلي اسمي ع طول كدا احسن

صدفه بارتباك : هااا , حاضر

ليث بابتسامه : بصي انا كنت كلمت المدير قبل كدا و قال ان ف حفل تكريم طلاب و المفروض معادها بعد يومين ف انا كنت فكرت و قررت اني هاجي

صدفه بفرحه و قلبها بيرقص : دا قرار صح جدااا و احسن حاجه

ليث و ضحك من رده فعلهااا

صدفه و خدت بالها : احم , اقصد انه قرار حلو البنات هيتبسطوا جدا بيه و هيفرحوا

ليث بمكر : البنات بس !!

صدفه بارتباك و خدود حمرا : هااا

ليث بضحكه لانه عارف انه احرجها : ولا حاجه المهم حابب اعملهة للبنات مفجاءه

صدفه بحماس : دي هتبقي احلا مفجاءه , احم اقصد ان

قاطعها ليث بصوت رخيم : تعرفي حاجه , انا متحمس لرجوعي المره دي اكتر من اي مره , عارفه ليه !!!

صدفه و هي تايهه ف صوته و همسه و متكلمتش مستنيها يكمل

ليث و هو شايف انها معلقتش ع كلامه اخد نفس و غمض عينه و هو بيسترجع شكلها يوم المكالمه مع بناته و خدودها الحمراء : متحمس اني اقابلك و اشوفك

صدفه بصدمه و ارتباك : هاااا !!

ليث بحمحمه : اقصد انه اشوف المدرسه اللي البنات متعلقين بيها اوي كدا

صدفه ساكته و مش عارفه ترد تقول اي

ليث و استدرك الوضع : حبيت اقول لك عشان انتي قريبه للبنات ف تقوليلي وقتها ع تفاصيل يومهم لوقت ما اجي الحفله تمام

صدفه : تمام

ليث : اتفقنا مع السلامه

صدفه : سلام

قفلت و هي قلبها بيدق جامد و متوتره و م**وفه اول مره مشاعرها تتهز و تتحرك كدا اول مره حد يلخبط كيانها كدا حاسه باحساس جديد عليها مش فاهمه اي هو بس حاسه انها مرتاحه مع احساسها الجديد دا .

___________

"حين رؤيتك يتلاشي الجميع ويبقي قلبي مُتلهفاً لمقابلتك و رؤيت عينيك "

ساظل أحبك حتي يسالني ربي ماذا فعلت ف دنياكي , وساجيبه بأنني أفنيت عمري كله في حبك.

بعد يومين يوم حفله المدرسه

صحيت من نومها و هي متنشطه ع غير العاده و بالها رايق و عال العال شالت لحافها و سحبت الفوطه ناويه ع شاور ينعشها , …… خلصت خرجت و هي لفه الفوطه و شعرها بينقط و وقفت قدام الدولاب و عماله تختار هتلبس اي , و اخيرا قررت و لبست دريس اسمر و فيه ورود بينك و فيه حزام رقيق من الوسط و قررت تلبس عليه طرحه بينك و شوزها المفضل ابيض و رشه برفانها بريحه الياسمين اللي بتعشقها و اخدت شنطتها و حاجتها و خرجت بكل همه و نشاط و هي عماله تسترجع ف بالها مكالمته معاها الاخيره و هو بيقول لها انه قرر يحضر الحفله و انه متحمس يشوفها بسرعه ركبت العربيه و هي عماله تفكر يا تري شكله هيبقي عامل اي و هيكلمها ع طول و لا اي و لو اتكلموا هترد تقول اي , قاطع تفكيرها صوت رساله ع الواتس من اسماء مكتوب

اسماء : فينك يا بنتي مؤمن كلمني و حدد معاد بابا عشان قرايه الفاتحه هتيجي و لا اي

شافتها و سجلت فويس : تمام يا سوما هيجي امتي و انا اجيلك من الفجر

كذلك اسماء سجلت لها : يااااي يا صدفه مش مصدقه ان اخيرا بابا رضي عننا و وافق بعد ما اتقدم 5 مرات انتي متخيله يا صدفه هيييح و اخيرا هنتلم ف بيت واحد بعد قصه حب دامت ل 3 سنين انا مبسوطه اوي اوي

ابتسمت صدفه ع هبل صحبتها و فرحتها ف هي فعلا كانت شاهده ع قصه حبهم و فرحانلها و مش هتنكر دا وصلت المدرسه ف بعتت لها : بصي يا بنتي اكتبيلي هيجي امتي و انا هخلص شغلي و اكلمك

قفلت فونها و اخدت نفس عميق و دخلت المدرسه اللؤي واضح جدا انها ف حاله هرج و مرج و كله بيحضر ف حاجات و زحمه و هي مش مستغربه دا وضع طبيعي ف وجود حفله لتكريم الطلاب من الطبيعي الوضع يبقي كدا

خلصوا تحضيرات للحفله و بدا اوليا الامور يملوا كراسي القاعه ( قاعه الاحتفالات ف المدرسه) و الاطفال بدا يحضروا نفسهم و هي عينها ع بابا القاعه و عندها امل انها تشوفه و هو داخل لكن الوقت بيمر و الدقيقه و رار دقيقه , نص ساعه و لسه مجاش الامل بدا يقل اخدت نفس و اتن*دت تنهيده طويله لما بدا المدير يلقي كلمته راحت ف مكانها ف اول صف ف القاعه و بداءت تتابع الحفله و هي فقدت الامل من انه يجي ( اكيد معرفش يجي , هو مشغول و مهم و اكيد عنده شغل اهم من انه يجي حفل مدرسه سخيف زي دا بالنسبه ليه , طب و بنات , انتي ع**طه يا صدفه بنات اي هما مكانوش يعرفوا هو قال انه مش هيقول لهم يعني يووف بطلي تفكير فيه و ان شاء الله ما جي انا مالي )

اول ما المدير بدا ينادي اسما الطلاب اللي هيتكرموا بتوع الكيجي و من بينهم رقيه ع طول مع اسمها صدفه بصت لها و ضحكت و شجعتها و صقفت لها و هي فرحانه و فخوره بيها فخوره انها بقيت مجتهده و بطلت تمرد و شقاوه و تجاوبت مع المدرسين و تتكرم الوقتي و دا انجاز

رقيه و هي فرحانه اخدت الشهاده و نزلت لصدفه حضنتها جااامد

جي دور تكير طالبات المدرسه الابتدائيه و من بينهم اسم رحمه و مشت رحمه بهدوء و توتر و خوف قربت من المدير و ايديها بترتعش

صدفه لحظت توترها و قربت من المسرح و بصوت واضح : اهدي يا روما و ابتسمي

رحمه بصت لها و اتشجعت نفذت طلبها و ابتسمت و هي حاسه بالامان بوجود صدفه

استلمت الشهاده و نزلت حضنتها و هي مبسوطه

قاطع لحظه الاحضان دي صوت المدير و هو

المدير : بنهني طلابنا المتميزين و المتفوقين و ننهي حفلنا بكلمه من شخص عزيز علينا كلنا و كلنا بنفتخر بيه اتفضل يا فندم

كان قاعد ف اخر صف بحيث محدش يلاحظ وجوده واول ما سمع كلام المدير بدا يقوم من كرسيه و يتحرك بحركات ثابته و واثقه و بكبرياء بدا ياخد خطواته متجه للمسرح

واقفه مستغربه خصوصا ان و هما بيحضروا المدير مجبش اي سيره او كلام ع ان ف شخص مهم هيحضر الحفله و ف وسط استغرابها فجاااءه

عيونه وسعت و بصت و هي ماتحه عيونها بدهشه شافته هي عرفته اصلا من كتر ما هي ف الفتره الاخيره كانت متابعاه ع كل حساباته ف خفيه و **ت شافته و هو ماشيه بغرور و ثقه و اول ما عدي من قدامها بصلها و ابتسم ابتسامه لعوبه و طلع ع المسرح و هو ساحب و خاطف معاه قلبها ,

بالنسبه لصدفه المسكينه و قلبها شافته و حست بضرابات قلبها بتتنطت قد اي هو وسيم و جميل و رجوله و هيبه و عينيه الحاده القاسيه و ف نفس الوقت بتطلع حنيه, ابتسامته اللي بتسحر اللي يشوفها , جسمه قد اي متناثق و مثالي بمعني الكلمه رياضي درجه اولي و دا واضح من عضلاته اللي واضحه

رحمه و رقيه اول ما شافو باباهم جريوا عليه و حضنوه و هو اتكلم ف ودانهم حاجه ف هما بعدوا و هو قرب من المدير و بدا يقول كلمته و خلص

و بص ع بناته اللي واقفيت تحت عند اول سامه للمسرح قرب ليهم بهدوء و فتح ايديه و حضنهم و عيونه بتلف ف المكان كله بتدور و تدور

ليث موجهه كلامه للبنات : عيوني الاتنين انتوا يلا روحوا هاتوا حاجاتكوا و انا هكلم حد هنا و ااستناكوا عند البوابه بسرعه يلا

وقف مكانه و بدات عينيها تلف المكان لحد ما ثبتت ع هدفه قرب بخطوات واثقه و ثابته لحد ما بقا قريب منها

ليث و هو بيتكلم و هي مدياله ضهرها : اخبارك انسه صدفه

صدفه لفت بسرعه و توتر و هي م**وفه جدااااول مره تتكلم معاه كدا فيس تو فيس : الحمد الله , حمد الله ع السلامه استاذ ليث

ليث بثبات و عينيه بتتفحص كل انش فيها : تؤ تؤ , احنا اتفقنا ع اي

صدفه بتوتر : هااا

ليث و هو بيبص ع شكلها اللي واضح عليه التوتر : ليث اسمي ليث , قرب منها بثقه و هو عارف انه بالحركه دي هيلخبطها , شكلك ارق مما توقعت

صدفه و خدودها احمرت جدااا : هااا

ليث بضحكه : صحصحي كدا دا احنا لسه ف الاول

صدفه باستغراب : مش فاهمه

ليث و هو بيديها ضهره و هيمشي : بكرا تفهمي , سلام, و ردي عليا لما ارن مش تديني بيزي و انا متاكد انه حطاني ف قايمه البلوكات

صدفه بعد ما مشي خبطت راسها باديها جامد,: نهاار اسوح اه صح انا كنت حطيته , وانا اللي كنت مفكراه مش بيرن اتاريني انا الهبله و اللي نسيت اسجله و حطيته ع البلوكات , طوى عمرك ع**طه يا صدفه اي الجديد يعني

بعد كام يوم بتنضف الشقه و بترتبها و عماله تغني و مودها فوق التمام سمعت صوت رنت فونها طنشت عشان مش فاضيه مره و التانيه و التالته قررت ترد

صدفه من غير ما تبص ع الاسم ردت ع طول : الوو

_ وحشتيني