" She was not for everyone, but she was for me" - atticus
❤️
One week na ang nakalilipas, hindi na ako nakakaramdam pa nang homesick dahil na rin sa tulong nina Windy at Crizzy, ang kalog kasi ng mga ito at kung anu-ano ang mga kabaliwang itinuturo sa akin sa loob ng Casino.
Medyo natutunan ko na rin ang pamamalakad sa Casino pero hindi pa rin ako sanay sa uniform. Kalbaryo ko talaga iyon.
Gabi pa naman ang duty namin kaya kasalukuyang nandito kami sa Clubhouse. Umiinom ng alak sina Windy at Crizzy, ako naman ay lime juice.
"Ang hot naman ng lalaking iyan." Narinig kong saad ni Windy na napakagat labi pa. Sinundan namin ni Crizzy ang tingin nito.
And there I saw him again, one week ko rin siyang hindi nakita. Nakaupo siya sa isang sulok sa mga table doon pero nakaharap siya sa amin.
