[ AVA CAMPANA ]
NAKARATING na kami sa Magallanes. Dito raw ang lugar ni Xandro ayon kay Ziggy, kwento pa niya nag-iisang itong naninirahan sa lugar na ito dahil nasa ibang bansa ang mga magulang nito at nag-iisa lang itong nanatili sa Pilipinas. Tinanong ko nga si Ziggy kung bakit ang sabi niya naman sa akin, masaya raw dito si Xandro, at hindi lang daw iyon ang dahilan dahil na rin sa mga babaeng nagiging bahagi sa buhay nito. Natawa nalang ako sa kwento ni Ziggy, tingin ko nga kay Xandro.
"Feel at home ha, ako ang bahala sa'yo," bilin sa akin ni Ziggy nang bumaba na kami.
May ilang katiwala ang sumalubong sa aming dalawa.
"Si Xandro ho?"
"Nasa loob, Sir Ziggy. Kasama ang mga bisita niya," sagot nito. Hindi nakaligtas sa paningin ko ang tinging pinukol sa akin ng isa sa mga katiwala
