Nakangiting pinagmamasdan ni Gucci mula sa kanyang kinatatayuan ang bulto ng katawan ni Damian na bahagyang nasa malayo at inaayos ang tuluyang nasirang bakod ng kanilang lumang tahanan ng dumaang bagyo. Tumutulong ito sa tatlong tao na kanyang inupahan na ayusin muna ang kanilang bakod. Noong una ay ayaw pumayag ng dalaga, pero dahil mapilit ito kaya hinayaan na niya na lang.
"Sigurado ka na kaya mo?" nagdudududa ang tinig niya, "'Baka magkalagnat ka mamaya."
"Hindi iyan, kaya ko naman na."
"Sige, kapag nilagnat ka pababayaan na lang kita."
Tumawa si Damian na sa paningin ng dalaga ay biglang naging magandang lalaki.
"Malakas na ako, hindi na ako lalagnatin pa."
Naiiling na tumango si Gucci, sa nakalipas na tatlong araw ay hindi na nga ito nilagnat pa.
"Sige n
