فتاة تتحدى الجميع

الفصل الحادي عشر

آسر : أنا واثق ومتأكد إنك أحسن م**مة بس ...

جوري مقاطعة : أنا مش قصدي أحسن م**مة في الشغل وبس، قصدي إني مش خاينة وهوريهم وهيندموا

آسر : خلاص يا حبيبتي إهدي وريحيلك شوية ولو إحتجتي حاجة أنا موجود

جوري : ميرسي يا قلبي تصبح علىٰ خير

آسر : وأنتي من أهل الخير

بعد إسبوع واحد إستطاعت جوري أن تشتري شركة وتبدء عملها ولم تترك التصاميم أو الملفات المهمة في المكتب بل كانت تأخذها معها إلىٰ المنزل وفي أقل من شهر إرتفع إسم شركتها في السوق ولاحظت أنه بمجرد ذهابها وإمساك يوسف وأحمد الإدارة لم يتم سرقة ولو ملف واحد وأدهم ترك العمل وذهب ليعمل معها

جوري وهى تدخل شركتها بكل ثقة وتذهب إلىٰ مكتبها

جوري : أدهم إي أخر الأخبار

أدهم : يارا بتقول إن أغلب إللي بيتعاقدوا معاهم عادين جدًا يعني واحد عايز يبني عماره سكنية حاجات بسيطة خالص

جوري بإبتسامة : هانت وتبقىٰ شركتي أحسن الشركات في مصر، أدهم قدرت توصل للي عمل كدا معايا

أدهم : الكاميرات إللي ركبتها في أماكن خفية في الشركة بتوضح إن كل حاجة ماشية عادي مفيش غير يوسف إللي مش قادر أراقبه لأنه أخد مكتبك وأنا مش حطيت كاميرات هناك

جوري بغيظ : لو طلع يوسف هخليه يندم علىٰ اليوم إللي إتولد فيه، خلي يارا تحط كاميرات هناك

أدهم : بس إزاي هتقدر تعمل كدا من غير ما حد يشوفها في الكاميرات الأساسية

جوري : إفتح العلبة إللي قدامك دي

فتحها ونظر لجوري بإستغراب لأنه كان يوجد بداخلها أنتيكة صغيرة وجميلة وجهاز تنصت صغير

أدهم : مش فاهم

جوري : أنا ههكر الكاميرات في وقت الغداء تقولها تدخل بسرعة وتحط الكاميرا في أي رف من الرفوف وجهاز التنصت ده يتثبت في المكتب من تحت ناحية كرسيه

أدهم : طيب تمام هكلمها لما تروح وبكرا بالظبط هنقدر نراقب يوسف

خبط الباب وسمحت جوري للطارق بالدخول وكان سليم ومحمد

أدهم : طيب عن إذن حضرتك

جوري : إتفضل أقعد يا سليم باشا ومحمد باشا

محمد : ليه بتعملي كدا يا بنتي أنا أبوكي مش محمد باشا

جوري بغضب وصراخ : أبويا إللي وقف يتف*ج وشايف بنته بيتقال عنها خاينة وحرامية ها رد عليا

سليم : يا بنتي أنتي مش فاهمه

جوري بضحكة سخرية : مش فاهمه إيه فهمني أنت طالما أنا غ*ية ومش فاهمه

خبط المكتب ودخلت فتاة في عمر الثلاثين

الفتاة : المتعاقد وصل يا فندم

جوري بصراخ : براااااا إطلعي براا مش عايزة أشوف حد هنا وقولي للزفت المتعاقد يتنيل يستنىٰ في غرفة الإجتماعات لحد أما أخلص

الفتاة بخوف : ح ح حاضر

جوري : ها هتفصلوا قاعدين كتير أنا ورايا شغل فياريت تطلعوا برا

محمد : أنتي بتطردينا يا بنتي

جوري : إعتبرها زي ما تحب المهم تقولوا عايزين إيه وتتفضلوا

سيلم : نسيتينا يا بنتي بالسرعة دي علىٰ الأقل إفتكري العيش والملح إللي أكلناهم مع بعض إفتكري إنك بنتنا مننا وعلينا إفتكري إللي كنا بنعمله علشانك

جوري بسخرية : أه وياترا إنتوا إفتكرتوا ده قبل ما تتهموني لا، أه معلش نسيت حاجة كمان إنتوا عملتوا إيه علشاني ههههه أنا إللي طول الوقت بشتغل وبقتل نفسي شغل كمان علشانكم وفي الآخر عند أول مشكلة أقع فيها ترموني إنتوا إيه مش بتحسوا دلوقتي لما مشيت حسيتوا بقيمتي إفتكروا إني قولتلكم هتندموا ويلا مع السلامة

وخرجت وتركتهم وذهبت لغرفة الإجتماعات، وبعد عودتها للمنزل وجدت آسر وكريم وأنور وآسيا في إنتظارها

جوري بإبتسامة : أهلا متحاولوش لو فتحتوا الموضوع ده معايا هطردكم زيهم

كريم بضحك : ومين قال إننا جاين علشان كدا أنا جايبلك أيس كريم

آسيا : وجايبين بيتزا كمان

جوري بضحك : أنا مش قادرة أصدقكم طيب يلا ناكل لحسن أنا هموت من الجوع

بعد تناولهم الطعام جلسوا يأكلوا الأيس كريم ويشاهدوا التلفاز

آسر : وصلتي لإيه يا قلبي

جوري : هانت وأعرف مين إللي كان بيعمل كدا وبدعي إن شكي يطلع غلط

أنور : أنا عايز أعرف أنتي بتشكي في مين

جوري : لما أتأكد هقولكم

ورن جرس المنزل فقام كريم ليفتح

كريم بفرحة وإبتسامة بلهاء : يارا

يارا بخجل : ممكن أعدي، هى جوري جوا

جوري بصوت عالي : تعالي يا موزة

دخلت يارا

يارا : ها يا ستي أنا هلبس السماعة تحت الطرحة وهكلمك أول ما تبدأ إستراحة الغداء مين إللي هيهكر الكاميرات بقىٰ

أنور : كاميرات إيه !!؟

آسيا : لا بقىٰ فهموني فضولي هيقتلني

جوري : أنا إللي ههكرها متقلقيش

يارا : أيوة بس هو أنتي بتعرفي تهكري أصلًا

جوري : أه بس أخري أهكر حاجات بسيطة زي الكاميرات وكدا، والنظام الأمنى بتاع الشركة قديم يعني مش هيأخد في إيدي ثواني

كريم وهو يتأمل يارا وغير منتبه للحديث أصلا : جوجو انا عايز أتجوز

لاحظت يارا نظراته فنظرت لأسفل بخجل

جوري بضحك : ههههه وماله كلها 4 شهور وتتخرج وتشتغل وبعدها أجيبلك أحلىٰ عروسة

كريم : لا أنا إخترت خلاص

جوري بخبث : منا عارفة وهى دي نفس إللي أنا أخترتهالك

يارا بخجل : طيب عن إذنك يا جوري أنا ماشية

كريم بخضة : إيه!! ليه؟! إنتي لسه واصلة

ضحك الجميع علىٰ كريم وذهبت يارا

جوري : بعد تخرجك بشهر هعملك مفاجأة

كريم : هتجوزيني

جوري بضحك : لا

كريم : يبقىٰ مش عايز مفاجأت

جوري بخبث : براحتك

كريم : أيوة براحتي (رفع صوته قليلًا) يا جدعااان أنا عايز أتجوز جوزوني يا ناس

جوري بضحك : ههههه مجنون

أنور وهو ينظر لآسيا بحب : وأنا كمان

آسر : جات عليا يعني، وأنا كمان عايز أتجوز

جوري وهيٰ تمسكه من تيشرته : بتقول إيه

آسر بضحك وهمس في أذنها : عايز أتجوزك أنتِ يا هبلة

جوري بخجل : اِفتكرت

آسر : يخربيت حلاوتك يا شيخة أنتِ زارعة فراولة في خدودك عايز أكلك أكل

جوري بضحك : طيب يلا بقىٰ بيتك بيتك أنتَ وهو

كريم بصدمة مصتنعة : أنتِ بتطردينا

جوري وهيٰ تهز رأسها بنعم : يس ويلا go out

كريم : طب عندًا فيكي هبيت هنا النهارده

جوري بإبتسامة : تنور يا حبيبي

أنور : طيب إحنا سلام بقىٰ أنا هلف شوية لحد ما آسيا تروح علشان ميعرفوش إننا كنا هنا

بعد أن وصلت آسيا إلىٰ القصر دخل أنور وهو مبتسم ولكنه وجد الجميع حزين

أنور بمزاح : إيه العزا إللي اِنتوا فيه دا

أحمد بضيق : اِسكت أنا مش طايق نفسي

سلمىٰ وهيٰ تربت علىٰ كتفه : معلش يا حبيبي هدي نفسك

أحمد بغضب : أهدي نفسي إزاي الشركة خلاص علىٰ حافة الإفلاس

يوسف : متقلقش هنتصرف

أحمد بصراخ : إزاي ها تقدر تقولي إزاي

يوسف بصراخ هو الآخر : معرفش أديني بفكر اِسكت بقىٰ

سليم بزعيق : اِنتوا هتعلوا صوتكم وأنا موجود إيه مفيش ولا ذرة أدب

أحمد : أنا أسف يا جدي

أشرف : كلو من حفيدتك دلعتها دلعتها لحد ما كبرت وقلبت علينا

إبراهيم : لا والله وهيٰ قلبت لله في الوطن مش أنتَ إللي قعدت تقول عنها حرامية طبيعي لو عندها كرامة هتمشي وتقلب ده كويس إنها رجعتلكم الأملاك إللي كتبتوها بإسمها

أشرف : طيب إيه هنتف*ج علىٰ الشركة وهيٰ كل يوم ورا التاني بتفلس

سليم لأحمد ويوسف : اِنتوا إيه أكياس جوافة اِمته أخر مرة الشركة أخدت صفقة كبيرة تقدروا تقولولي

أحمد بضيق : قبل ما جوري تمشي علىٰ طول

سليم : أيوة أد*ك قولتها بنفسك ودلوقتي هنعمل إيه

يوسف بغضب : مهو لو اِنتوا تجيبوها تدوها علقة وتحبسوها في البيت هتريحونا دي كل يوم عماله تاخد صفقة ورا التانية أول ما حد كبير يجيلنا بعدها بساعة واحدة بيتصل يلغي تعاقدة معانا

سليم : أنا مش همد إيدي عليها ولا هسمح لأي حد يعمل كدا، غلطت مرة لما شكيت فيها ومش هغلط تاني قالتلي هندم وندمت أشد ندم

أنور : ولسه هتندم يا جدي أنا آسف بس أنا قولتلكم جوري مستحيل تعمل حاجة ضد الشركة محدش صدقني

آسيا بضيق : أنا طالعة أنام لحسن الكلام مبيجبش فايدة معاكم

أنور : وأنا كمان

محمد : اِستنىٰ هو فين كريم مش خرج معاك

أنور : معرفش سابني ومشي

إتصل محمد بكريم

كريم : نعم

محمد : الأول السلام عليكم

كريم : وعليكم السلام ها عايز إيه

محمد بضيق : كلمني بأدب يا ولد... أنتَ فين

كريم : عند جوري هبات عندها عايز حاجة ولا أقفل

محمد : يا خسارة تربيتي فيك

جوري لكريم : كريم عيب كدا كلم بابا بأدب

كريم : سامع يا حج

محمد : سامع إيه!!؟

كريم : إللي مش عجباكم أهي هيٰ اللي بتدافع عنكم سلام لحسن أنا مخنوق

محمد بحزن بعد أن اغلق كريم الخط : ليه يا ربي كدا يا ريتني ما صدقتك يا أشرف ووثقت في بنتي أديني خسرتها هيٰ وكريم وأنور

أشرف : لا والله لبسها فيا وبعدين مش ملاحظ إن الملفات إللي بتختفي والصفقات إللي بتروح لشركات أعدائنا وقفت أول ما هيٰ مشيت

محمد : اِسكت أنا مش هسمع ولا كلمة واحدة منك

رن هاتف مازن برقم جوري فقام ليرد بعيد

مازن بهمس : إيه فيه

جوري بهمس مقلدة إياه : بتتكلم كدا ليه

ضحك مازن علىٰ طريقة كلامها ونظر له الجميع فكتم ضحكته

جوري بضحك : اِفتح الإسبيكر واِقعد جنبهم

مازن : حاضر

جوري : اِزيكم يا عيلتي الجميلة بصوا بقىٰ لو خايفين علىٰ شركتكم عايزة كل واحد في البيت ده يعتذرلي ولو جه يوم واِتهمتوني بحاجة تانية فوقتها حتىٰ لو جبتوا الرئيس يعتذرلي مش هسامح حد

سليم : وأنا موافق يا بنتي

أشرف : أنا مش موافق مش هعتذر لطفلة

جوري بضحك : الطفلة إللي بتتكلم عنها هيٰ إللي قدرت تخلي شركتكم تقف علىٰ حافة الإفلاس أه وعلىٰ فكرة أنا أقدر أخد حتىٰ الصفقات الصغيرة دي بسهولة بس صعبتوا عليا

يوسف : أنا متأكد إن ليكي جاسوس في الشركة اِنطقي مين هو

جوري بسخرية : ههههه دمك خفيف جاسوس أنا الشركة كلها حبايبي ها هتطرد كل الشركة يا بطه

جوري بهدوء : ممكن بقىٰ أعرف مين هيعتذر ومين لا

سليم : كلنا يا بنتي

يوسف : لا مش كلنا

جوري : أوكيه أسمع بس مين موافق

سليم ومحمد وإبراهيم : إحنا موافق

شهد وحنان : وإحنا يا بنتي

مازن وندى : وإحنا

مروان و ياسمين وسلمى : وإحنا بردو

أحمد بحزن : أنا آسف يا جوري

جوري : بعدين يا أحمد

جوري بعد دقائق : أفهم من سكوت الباقي يبقىٰ يوسف وأشرف باشا مش موافقين... أممم طيب وفين لوجين هانم

حنان : مش قاعدة خرجت ولسه مرجعتش مأنتِ عارفها

جوري : المشكلة إني عارفاها عمومًا لما تيجي يبقىٰ مازن يقولي وبالمناسبة أنا عمري ما هرجع البيت إلا لما يوسف وأشرف باشا بنفسهم يعتذرولي...بباي يا زونه

مازن : باي يا جوجو

أغلقت الخط

كريم : مش وافقوا صح!!؟

جوري بسخرية : يا عم سيبك

رن هاتف جوري برقم آسر

جوري : إي يا واد

آسر : إيه إي يا واد دي عمومًا أنا اِتصلت علشان نسيت أقولك إن ماما عزماكي علىٰ الغداء بكرا

جوري : أوكية أنا هخلص الهكر ليارا وأجي علىٰ طول

آسر : ماشي سلام علشان أنا داخل البيت دلوقتي

جوري : سلام

*بقلمي: أميرة الظلام (مروه كمال محمد)*