فتاة تتحدى الجميع

الفصل الثاني

عمر بصدمة : إيه مستحيل ده العالم كله مفيش غير كام واحد يتعدوا علىٰ الإيد بيعرفوا اللغة دي

جوري وهى تنظر لآسر وتقول بدلع : مش ده موضوعنا..قولي يا بيبي كنت بتقول إيه

آسر بصدمة من كلامها : أأأأ بيببببي ... أنا

جوري بجدية : بص يا آسر أنا هقبل نبقىٰ أصدقاء بس بشرط.

آسر : شرط إيه!!؟

جوري : الشغل حاجة. وصداقتنا حاجة تانية يعني من الأخر متتوقعش إني هتهاون معاك في الشغل علشان صداقتنا

آسر : ومين قال إني عايزك تتهاوني ده أنا مصدقت ألاقي منافس جامد بدل أحمد

جوري بنظرة تحدي وهىٰ تمد يدها تسلم علىٰ آسر : يبقىٰ تمام كدا اللعب يبدأ من بكرا

آسر بتحدي هو الأخر : وهو كذلك .

جاء والد جوري محمد الأمير

إيه ده أنتي اتعرفتي علىٰ عدو عيلة الأمير يا حبيبتي

آسر وهو يقلد صوت البنات ويصتنع الحزن : أخس عليك يا أنكل، أنا كدا سحلت منك

ضحك محمد علىٰ أسلوب آسر

جوري وهىٰ ترفع أحد حاجبيها : أنكل وسحلت!!!

آسر وهو يضحك علىٰ منظرها : إيه يا بنتي متنحه كدا ليه بهزر مع عمو محمد ولا إيه يا أنكل.

محمد : لا هزر يا حبيبي زي ما تحب بس بقولك إيه بالراحة علىٰ البت

جوري بضيق : بابي علىٰ فكرة أنته بتصغرني قدامهم وأنت عارف كويس ومتأكد إني أشطر واحدة في مصر كلها

وفي نفس الوقت سمع كريم كلام جوري الأخير

كريم : إيه يا جوجو قوليلي بس مين مزعلك وأنا هأكله

محمد بضحك : طيب يلا كلني

كريم بضحك وهو ينكش شعره : ها بابا حبيبي أنا بهزر ده أنا أليف مقدرش أقتل نملة

جوري وهى تكاد تض*به : كريم أنا ماشية ... سلام

ذهبت جوري وهى تشعر بالحزن.

كريم بجدية : بابا أنت ليه قولت كدا لآسر وأنت عارف إن جوري أشطر واحدة في الوطن العربي كله مش مجرد مصر

آسر : هى أه ممكن تكون شاطرة بس مش للدرجة دي يعني

محمد : أنا عارف كويس إنها أنجح واحدة فى العيلة بس أنا قولت كدا بهزر وعايز أشجعها

كريم : طيب خلاص أنا رايح أتكلم معاها وبالمناسبة يا آسر جوري فعلا أنجح واحدة ممكن تشوفها في حياتك.

خرج كريم خلف جوري وجدها ترفع رأسها للسماء وتبكي ب**ت

كريم وهو يحضنها من الخلف : المزة بتتف*ج علىٰ القمر ليه متروحي تبصي في المرايا أسهل وأنتي تشوفيه

شهقت جوري وظلت تنظر للسماء ب**ت

كريم بحزن : جوجو أنتي زعلتي من بابا صدقيني هو م..

قاطعته جوري : أنا عارفة إنه عمل كدا علشان أبقىٰ أفضل وهو كمان كان بيهزر وأنا مستحيل أزعل من بابا يا كريم

كريم بفرحة : طيب يا قمر يا منور أنته يلا ندخل جوه علشان أحمد ميزعلش مننا

هزت جوري رأسها ب**ت ومسحت دموعها وذهبت معه للداخل وجلست بجانب عمها إبراهيم

" كريم أخو جوري التؤام "

مازن وهو يمد يده لجوري : تسمحيلي بالرقصة دي يا سنيوريتا

ضحك إبراهيم علىٰ إبنه وندىٰ زوجة مازن

جوري وهى تمثل أنها تفكر : طب إستنا كدا أفكر... أممم طيب

ضحك كلاهما وذهبوا لمنصة الرقص في حين أن آسر تضايق بمجرد رؤيتها ترقص مع غيره

إنتهىٰ اليوم بفرحة الجميع وعادوا إلىٰ منازلهم

" في الصباح في مجمع شركات الأمير "

تدخل فتاة ترتدي بنطال أ**د جينز وشيميز أبيض تدخله داخل البنطال وجاكيت رسمي وكانت عاقدة شعرها ذ*ل حصان وكل من في الشركة ينظر لها بخوف وإنبهار في نفس الوقت

وقفت جوري وقالت بصوت مرتفع : من النهارده دلع أحمد ليكوا إنسوه خالص وأظن إن كل إللي هنا عارفين كويس وياريت تبقوا تبلغوا الناس إللي لسه جاية في أخر سنة ومتعرفش نظامي

أدهم سكرتير أحمد والذي أصبح الآن سكرتير جوري : آنسة جوري إتفضلي معايا علىٰ المكتب أنا جهزته لحضرتك

جوري : ماشي يا أدهم أنا همر علىٰ المبني بتاع صناعة الحديد والصلب لمازن وراجعه وياريت أرجع ألاقي جدول المواعيد بتاعي جاهز

ذهبت جوري ودخلت مدخل المبنىٰ المجاور

جوري وهى تقتحم غرفة المكتب الخاصة بمازن : مازن عايزاك تبعتلي كل الملفات بتاعت العملاء بتوع الشركة

مازن : أنا مش فاهم أنا عامل باب ليه

جوري : أظن إنك سمعت كلامي وياريت يتنفذ بسرعة بعد إذنك

ذهبت وتركت مازن يكاد يجن

أما في مبنى الهندسة

بعد أن ذهبت جوري تنفس أدهم الصعدأ

نظرت له إحدىٰ الفتيات وإستغربت خوفه

الفتاة : مالكم كلكم خايفين كدا شوية وتموتوا

أدهم : إسكتي يا يارا أنتي ليكي 6 شهور بس فطبيعي متعرفيش جوري

يارا : طيب حد يحكيلي

أدهم : دي شعارها في الحياة الشغل ثم الشغل ثم النجاح

يارا : إيه الهبل ده أنا مش فاهمة حاجة يعني إيه

أدهم : خلي نسرين تشرحلك أنا رايح أجهز جدول المواعيد قبل ما ترجع

نسرين : بصي يا حبيبتي أنا هشرحلك بسرعة قبل ما تيجي وتلاقينا واقفين كدا وتقتلنا، معنىٰ شعارها ده يعني تشتغل بكل ما لديها من طاقة لا لحظة بضعف طاقتها كمان يعني تهد نفسها شغل علشان في النهاية تنجح ومبتقبلش الفشل يعني بمعنىٰ أصح الفشل مش في قاموسها

يارا بإستغراب : للدرجة دي طيب وهىٰ راحت فين من سنة ليه وقفت شغل يعني

نسرين : دي كانت بتدرس في أخر سنة ليها علشان كدا قررت تركز أكتر علىٰ الدراسة وتسلم الشغل لأخوها أحمد لحد ما تتخرج وأهى إتخرجت وجات

يارا : يعني البت إللي شايفه نفسها دي أصغر مننا كمان لا كدا كتير

نسرين : إسكتي أنتي أتجننتي دي لو سمعتك هتقتلك

جوري وهى تربع ذراعيها أمامها وتنظر لهم : وأنا سمعت.............

*بقلم : أميرة الظلام(مروه كمال محمد)*