فتاة تتحدى الجميع

الفصل الثالث

جوري وهى تربع ذراعيها أمامها وتنظر لهم : وأنا سمعت ومش هقتل حد علشان أنا مش مجرمة و...

نسرين بخوف : أنا آسفة يا بشمهندسة جوري والله م..

جوري بغضب : مبحبش حد يقاطعني ومتخفيش أنا مش هطردك أنا بس حابه أقول للآنسة (وهى تشير ليارا ) إني مش شايفة نفسي ولا حاجة أنا بتعامل مع الموظفين كدا علشان أضمن محدش يقصر في شغله

يارا : أنا آسفة بس أنتي مزوداها أوي

نظرت نسرين ليارا بغضب حتىٰ تسكت.. لاحظت جوري نظراتها

جورى بإبتسامة : أنا حبيتك جدًا علىٰ فكرة

يارا ونسرين بصدمة : إيه !!!!

يارا بعدم فهم : إزاي وليه !!!!

جوري : أنا بحب الناس الص**حة وإللي بتتكلم من غير خوف علشان كدا أنا حبيتك وشايفة إننا هنبقىٰ أصحاب كمان

يارا : يعني أنتي مش مدايقة ولا زعلانة مني

جوري بإبتسامة : لا خالص ويلا سلام علشان ورايا شغل كتير وإعملوا حسابكم إننا هنتأخر النهارده وقولوا لبقيت الموظفين

ذهبت جورى إلىٰ المكتب وبدأت في مباشرة العمل... بعد بضع دقائق

أدهم : إتفضلي الملفات دي أستاذ مازن بعتهم لحضرتك

جوري : طيب إمشي أنتَ خلاص

جوري : لاااا إستنا هاتلي كشف الحسابات بتاع السنة إللي فاتت

أدهم : تمام يا فندم حاجة تانية

جورى : لا هاتلي بس إسبريسو معاك

أدهم : حاضر

خرج أدهم وعاد بالملفات والقهوة وبعد بضع دقائق سمع الجميع صراخ جوري وغضبها وتمنوا أن تنشق الأرض وتبتلعهم ...خرجت بغضب

جوري بصراخ : أدهم جيبلي المحاسب بتاع الشركة حالًا

أدهم بتوتر : للآسف يا فندم هو مجاش النهارده أخد أجازة

جوري بغضب الدنيا : نعمممم حالًا تتصل بيه وأول ما يوصل إبعته لمكتبي

أدهم : حاضر يا فندم

جوري : إتفضل إمشي من قدامي وكلو يرجع لشغله

بعد نصف ساعة وصل المحاسب وذهب إلىٰ مكتب جوري ويتمنىٰ أن يختفي قبل أن يصل لها

" في المكتب "

جوري بصوت عالي : ممكن أفهم إزاي أرباح الشركة تقل بالشكل ده وأنا معنديش خبر

المحاسب : يا جوري هانم أنا قولت للباشمهندس أحمد وهو قالي هتصرف ومتقولش لحد

جوري وهى تحاول أن تتنفس وتتكلم بهدوء : طيب من هنا ورايح لو أرباح الشركة قلت ربع جنيه بس أعرف حتىٰ لو سليم باشا نفسه إللي قالك متقولش لحد فاهم ولا..

المحاسب بسرعة : مفيش ولا يا هانم

جوري : إتفضل إمشي وبكرا عايزة تقرير كامل بمصاريف السنة إللي فاتت

المحاسب : لا أنا مش هروح يا فندم أنا هنزل أجهزلك التقرير كامل دلوقتي

جوري : طيب إتفضل علىٰ شغلك وإبعتلي أدهم

خرج المحاسب وجاء أدهم يركض

أدهم : نعم يا جوري هانم

جوري : أولًا ميت ألف مرة أقولك مبحبش كلمة جوري هانم أبويا سماني في الشهادة جوري مش جوري هانم ثانيًا هاتلي كوباية قهوة سادة

أدهم : بس دي الكوباية التاسعة يا جوري كدا غلط علىٰ صحتك

نظرت له نظرة أخرسته وقال لها حاضر وخرج

إنتهىٰ اليوم وجميع الموظفين مخنوقين أنهم قاعدوا للساعة 7 في الشركة لحد ما خرجت جوري

جورى : تقدروا تمشوا دلوقتي وعايزة الكل موجود الساعة 8 بكرا في القاعة الكبيرة في إجتماع للكل

عادت جوري للمكتب ورحل الجميع عدىٰ أدهم

الساعة 10 خرجت جوري أخيرًا وكانت تحمل الكثير من الملفات ورأت أدهم يجلس علىٰ أحد المكاتب ونائم إبتسمت وذهبت له تيقظه

جوري : أدهم أنته ليه لسه قاعد أنا مش قولت كلوا يمشي

أدهم إستيقظ بسرعة بمجرد أن قالت إسمه : أنا مساعد حضرتك والمساعد المفروض مش يمشي إلا لو مديره يمشي

جوري : وأنا بعتبرك زي أحمد وكريم وأنور وأنا مش بحب أشوف إخواتي تعبانين يلا روح أنا خلاص خلصت شغل وهكمل في البيت يلا لحسن المدام تيجي تض*بني

أدهم : ههههه حاضر

عادت جوري لقصر عائلة الأمير ودخلت وجدت الجميع مجتمع

" عائلة الأمير "

سليم الأمير : راجل شديد حبتين بس طيب جدًا وبيحب أحفاده وأبناءه جدًا عينيه خضراء وعنده ثلاث أولاد محمد، وإبراهيم، وأشرف ومعندوش بنات

محمد : عيونه زرقاء زي أمه الله يرحمها وشبهها جدًا علشان كدا هو أكتر واحد محبوب من أبوه متجوز طنط ياسمين الله يرحمها بردو وعندو تلت أولاد وبنت أحمد وأنور وجوري وكريم تؤام

أحمد : إتعرفنا عليه في الفرح عمره 29 سنة وإتجوز سلمىٰ إتعرف عليها هو ورايح يكشف لبنت مازن الصغيرة علشان مازن كان في الشغل، عجبته وبدأوا يتقابلوا كتير لحد ما إتقدملها وإتجوزوا

أنور : عمره 27 سنة بيشتغل ظابط شرطة يملك عيون خضراء وجسد رياضي

كريم : عمره 23 سنة في كلية طب شبه جوري في الملامح بس عيونه خضرا زى جده وشعره إسود وناعم ويمتلك جسد رياضي يجعل كل الفتيات تتمناه

جوري : إتعرفنا عليها من شوية كفاياكم كدا

عمو إبراهيم : عنده ولدين وبنت مازن ومروان وآسيا

شهد : مرات عمو إبراهيم ست طيبة وحنينه جدًا وبتحب جوري وكأنها بنتها

مازن : عمره 31 سنة متجوز ندىٰ خريج إدارة أعمال وهو إللي ماسك إدراة شركة الحديد والصلب

ندىٰ : عمرها 29 سنة خريجة هندسة د*كور بس مش بتشتغل علشان مازن رافض، بنوته جميلة جدًا وطيبة وعنيها عسلي وشعرها ناعم وبنفس لون عينيها، عندهم بنت وولد نرجس ونادر

نرجس : بنوته جميلة نسخه مصغرة عن مامتها عمرها 4 سنين ودمها خفيف ودايمًا هى وجوري بيعملوا مقالب مع بعض

نادر : عمره سنتين عيونه بني وشعره سايح وطويل

مروان : عمره 34 سنة بيشتغل جراح قلب عنده جسم رياضي وحلو وده إللي بيخلي مراته تتخانق معاه كل شوية علشان البنات إللي بتعا**ه من وراه وهى بتسمعهم وبتتغاظ؛ مراته ياسمين

ياسمين : عمرها 32 خريجة أداب ، في مرة كان في شباب بيعا**وها وهو ساعدها وإتعرفوا علىٰ بعض وحبوا بعض وإتجوزوا عندهم ولدين زي السكر عبد الرحمن وعمر

عبد الرحمن : عمره 7 سنين وبيحب يعا** البنات علشان يغيظ أمه وهو علشان حلو زي أبوه محبوب من الكل كبير وصغير

عمر : عمره 4 سنين شبه أمه وطيب جدًا بس مجنون وعلشان كدا بيتفق هو وجوري

آسيا : عمرها 24 سنة خريجه إعلام جميلة عينها بني غامق بتحب أنور وهو بيحبها ونفسه يتقدملها بس هو خايف إنها تكون مش بتحبه

عمو أشرف : متجوز طنط حنان وعنده بنت وولد، لوجين ويوسف، عصبي بس طيب شوية وبيغير من إخواته وبالذات محمد علشان حب أبوه ليه

حنان : ست طيبة جدًا وبتحب الكل بس مش عارفة تخلي جوزها يبقىٰ زيها

لوجين : عمرها 26 سنة خريجة آلسن بس مش بتشتغل ومقضياها سهر وخروجات، جميلة وبتحب أنور وبتغير من آسيا علشان هى وكله عارف إنه بيحبها

يوسف : عمره 28 سنة خريج كلية هندسة خاصة بس مش بيشتغل، بيشرب خمرا وم**رات وده إللي مخلي سليم رافض إنه يشتغل في الشركة، ومتهور وممكن يعمل أي حاجة من غير ما يعمل أي حساب

ودي بقى عيلة جوري الجميلة

*بقلم : أميرة الظلام(مروه كمال محمد)*