فتاة تتحدى الجميع

الفصل السادس

جوري : أنا عندي خطة تحفه أنا هروح مع كريم علىٰ نفس المطعم وأنت تيجي ورانا علشان ميبنش إنك عارف وأول ما تشوفنا قعدنا معاه روح وأعمل نفسك مستغرب

وائل : ماشي مش قولت البصه دي وراها حاجة وعايزة تتغدي معاه ليه بقىٰ

جوري : م.....

دخل أدهم : وصلوا إتفضلوا يا جماعة

كان وفد أجنبي ويتكلموا إنجليزي

الكلام مترجم

جوري : إتفضلوا ده أحمد أخويا ويوسف إبن عمي ووائل المحامي بتاع الشركة وأدهم مساعدي وأنا طبعا جوري

آلي** : هاي أنا آلي** تشرفت بمعرفتك سمعت عنك كثيرًا جوري

جوري : وأنا علىٰ حسب علمي إن أنت أكبر شوية وإسمك ...الشخص إللي هشتغل معاه مش آلي** إسمو هارولد

آلي** بإبتسامة : فعلًا بس أنا إللي بشتغل مع والدي وأنا وهو واحد يعني

جوري : تمام دلوقتي عندي سؤال ليك

آلي** : إتفضلي طبعًا

جوري : ليه شركتي من بين كل الشركات إللي في مصر

آلي** : علشان أنتي الأفضل ومعروف إنك الأحسن في مصر كلها ويمكن في الوطن العربي كله

جوري : طيب حلو أوي كدا وطالما أنت سمعت عني المفروض تكون عارف إني مش هبله

آلي** : العفو من الذي قال عنك هذا

جوري بضيق : إتفضل أقرىٰ الملف... أولًا المبلغ مش كويس خالص إحنا لو إشتغلنا معاكم هنخسر مش هن**ب ثانيًا وده الأهم أنا هوريك تصاميمي عجبتك إشتغل معانا مش عجبتك الباب يفوت فيل مش جمل ( وأخر جملة قالتها بالعربي )

ضحك يوسف وأحمد وأدهم ووائل والمترجم القادم معهم

آلي** : أنتي قولتي إيه

المترجم قاله وحتىٰ هو ضحك وقاله إنه مثل عندهم

جوري : عايز تشتغل معانا الشرط ده يتشال والمبلغ أنا هحسبه

آلي** : طيب الشرط ماشي لكن المبلغ ماله

جوري : أنا حسبتها ولقيت إن الربح بتاعنا ميتعداش الكام ألف

آلي** : تمام إتفقنا بس لو شغلك مش عجبنا.....

جوري بثقة : بلاش تتحداني أنا شغلي هيعجبكم وهيعجبكم جدًا كمان

آلي** : الثقة حلوة يبقىٰ إتفقنا نوقع بقىٰ

جوري : المحامي جهزلي الملفات زي ما إنتوا كاتبين بالظبط بس شال الشرط وزود المبلغ إتفضل إقرىٰ قبل ما توقع

بعد الإجتماع ذهبت جوري وإتصلت بكريم تعزمه علىٰ الغداء وتقابلوا في المطعم

جوري : إيه ده آسر!!!

ضحك كريم بعد أن فهم لماذا أخته عزمته علىٰ الغداء وإختارت المطعم ده بالذات

آسر بإستغراب : جوري كريم إزيكم إقعدوا

جوري : صدفة جميلة بس هو أنت مستني حد إحنا ممكن نقعد في ترابيزة تانية علىٰ فكرة

آسر بإرتباك : لا طبعًا إتفضلوا إقعدوا ده صديق قديم

جوري : طيب ماشي

بعد أن وصل وائل

وائل : آسف علىٰ التأخير يا آسر

آسر : لا مش مشكلة

وائل : إيه ده جوجو وكيمو هنا

كريم بضحك : شوفت صدفة غريبه ثح

وائل بضحك : هى أه صدفة غريبة بس علىٰ فكره إسمها صح مش ثح يا ساقط

جوري : خلاص مش تسيحله بقىٰ

وائل : من عيني يا قطتي

آسر بضيق : إيه قطتي دي

وائل : أصل أنا وجوري أصدقاء طفولة ده غير إنها بنت خالتي وأخ...

ولم يكمل لأن جوري وضعت يدها علىٰ فمه

وائل بهمس في أذن جوري : إيه وقفتيني ليه

جوري بهمس : سيبني ألعب براحتي ومتقولوش دي أختي في الرضاعة

وائل : حاضر يا قطتي

( وائل إبن خالة جوري وعمره 29 سنة وهو وحيد أمه وأبوه ولما مامته تعبت لما إتولد أم جوري أرضعته مع أحمد فعلشان كدا همن إخوات )

كريم : طيب إيه مش هنطلب الأكل أنا همووووت يا ناس

آسر : أه ياريت

بعد أن تناولوا الطعام وجاء وقت العصاير

النادل : تشربوا إيه يا فندم

آسر : إسبريسو

كريم بتفكير : أممم صعبة ....أم مانجا

وائل : وأنا وجوري عايزين فراولة بقطع شوكلاته وقطع فراولة

النادل : معلش بس ده مش موجود في القايمة

جوري : طيب أنا ممكن أشوف المدير

النادل : طيب ثواني أندهوا لحضرتك

عاد النادل ومعه المدير

المدير : تحت أمرك يا فندم

جوري : أنا مستعدة أدفع إللي حضرتك تطلبه علشان عصيري المفضل يتعمل ولو صعب خلاص مش مشكلة

المدير : هو النادل قالي وأعتقد إن كل الحاجات دي موجودة عندنا دقيقة ويكون عندك

جوري : أوكية تقدر تتفضل

آسر بضيق : وهو إنتوا الإتنين بتحبوا نفس المشروب

جوري بإبتسامة خبيثه : ما بقولك صديق طفولتي يعني تؤامي التاني

كريم : وأنا روحت فين يا هانم

جوري : أنت تؤامي الأول يا واد

كريم : إن كان كدا ماشي

ذهب الجميع

" في سيارة كريم "

جوري : حبيب قلبي، حياتي، وعمري كلو

كريم : هههههه كل الحب ده يبقىٰ أكيد عايزة حاجة

جوري بحزن مصتنع : ظالمني طول عمرك

كريم : جيبي من الأخر

جوري بإبتسامة : عدي علىٰ عمو بتاع الأيس كريم

كريم بصراخ : لااااااااا أبدًا أبدًا أبدًا

جوري بحزن : بقىٰ كدا يا كيمو أوختك المسكينة نفسها في أيس كريم وأنت بخيل

كريم : مهو لو أختي زي البشر العادي كنت جبتلها، لكن أختي تروح تنسف المكان، أنا مش فاهم بيروح فين ده الأجانب بيخافوا ياكلوه علشان مش يتخنوا وأنتي ما شاء الله ولا جسم عارضات الأزياء

جوري بضحك وهى تضع يدها في وجهه : قل أعوذ برب الفلق خمسة في عينك هتخن بسببك

كريم : ههههه

جوري : بليز يا كيمو أنا ليا بدري مش أكلته

كريم : بدري إللي هو من إسبوع أو أقل تقريبًا

جوري : يعني أنت مش هتجبلي مش تكلمني تاني أنا سحلت منك

كريم : هههه لا مش تسحلي يا بطه هجبلك خلاص

جوري بغناء : يس يس يس أه أه أه أووووو يس

كريم بضحك : إمته تعقلي يا حجة

جوري : لما......

بقلمي : أميرة الظلام(مروه كمال محمد)