فتاة تتحدى الجميع

الفصل السابع

جوري : لما أنت تعقل الأول

كريم : مش هيحصل

جوري : مي تو

ذهبوا إلىٰ محل الأيس كريم المفضل لدىٰ جوري

جوري : إزيك يا أنكل محمود واحشني مووت

عم محمود صاحب المحل : ههههه يعني مش الأيس كريم بردو إللي واحشك

كريم بضحك : حتىٰ الراجل فاهمك

جوري : إسكت يا واد بص يا عمو النهارده عايزة 15 علبة كبيرة وأنا هختار الأطعمه

كريم : نعممم ياختي 15 إيه لا أنا مش هدفع إدفعي أنتي

عم محمود : متحاولش دايمًا بتقنعك بس عندي فضول ليه 15 المرة دي ده كتير جامد

جوري : أصلي أنا هاخد 9 وال 6 الباقين هوزعهم علىٰ المساكين إللي في البيت

كريم : علىٰ إيدي مش بعيد تدينا إتنين بس وتعيشي بالباقي

جوري : يلا وسع خليني أختار ...بص يا عمو عايزة شوكلاته فيها قطع أوريو وفراولة دي علبة والتانية من نفس الشوكلاته ومانجا والتالته كنتلوب والباقي مشكل بقىٰ

ذهبوا إلىٰ سوبر ماركت وإشتروا الكثير والكثير من الأشياء

" في فيلا عائلة آسر "

بسمة (والدة آسر): آسر حبيبي سرحان في إيه

آسر :......

مصطفى بضحك (أخو آسر): يا بني سرحان في مين يا بخت إللي واخد عقلك

آسر : هااا إيه بتقولوا حاجة

بسمة بضحك : يا بختها

آسر بذهول وتوتر : مين دي

مصطفىٰ : إللي واخده عقلك

آسر في نفسه : هى أه حلوة بس أنا مش مصدق إزاي عيله زيها تفوز عليا

آسر بصوت منخفض : أه يا جوري إن ما وريتك أنا تفوز عليا، ياه دي حلوة بجد

مصطفى : مين دي إللي حلوة

آسر بصدمة : إيه أنا مقولتش كدا خالص

مصطفىٰ بخبث : علىٰ إيدي بس تعرفي يا ماما في بت إسمها جوري تقريبًا مسكت الشركة بتاعت الأمير وآسر صعب عليا مش قادر ياخد ولا صفقة من بتوعها

بسمة بإبتسامة : بقىٰ كدا يعني دي إللي واخده عقلك علىٰ العموم باين عليها شاطرة

آسر بضيق : أمي أنا طالع أنام قولي للرخم ده يسبني في حالي روح جيب مراتك من ببت أبوها وسيبني في حالي

مصطفىٰ : مهى جايه بكرا هى والعيال

" في غرفة آسر "

قلب آسر : وحشتني موت

عقل آسر : مين دي يا غ*ي أنت ناسي إنها فازت عليك واللعبة خلصت وهزمتك

قلب آسر : بس أنا بحبها

عقل آسر : يبقىٰ أنت غ*ي وغ*ي جدًا كمان وأنا مش همشي وراك

قلب آسر : ماشي بس هيجي يوم وتحن وأنت كمان تحبها

" في منزل جوري "

جوري : طلع الحجات دي يا عم حسين علىٰ الدور التالت وسيبهم في الصالة

عم حسين : حاضر يا بنتي

إبراهيم : إيه كل ده

أنور : ههههه حبيبتي هو إحنا داخلين علىٰ الشتاء علشان تجهزي للبيات الشتوي

جوري : ها ها ها بارد هض*بك يا أنور وأنت مش معزوم علىٰ حفلتي

أنور بحزن مصتنع : كدا يا بنت قلبي أنا زعلت منك ده أنتي إللي في القلب يا بت

الجميع : ههههه

جوري : يا هيما هو فين بابا وجدو وعمو أشرف

شهد : في المكتب ومدلعيش جوزي يا بت

إبراهيم : ياه دا أنا هربت منهم مش بيتكلموا غير عن الشغل

لوجين بدلع : وبمناسبة إيه الحفلة دي

جوري بصوت منخفض : بمناسبة موتك يا شيخة بارده بصحيح

كريم بضحك : لو سمعتك هتاكلك

جوري : مين دي يا واد ده أنا أقطعها حتت بسناني

نرجس : جوجو بقولك إي إنزلي كدا

جوري إنخفضت وتكلمت بصوت منخفض : ها مستعدة الخطة هتتنفذ بعد بكرة

نرجس : أيوة إحنا المرة دي هنقطعهم

جوري : عاش يا شبح

نرجس بضحكة طفولية : عاش يا بطل يلا أنا هطلع أنام

عبد الرحمن لجوري : خدي يا بت

كريم : يا بختك ياخي الوحيد إللي بيقدر يقولها يا بت

عبد الرحمن وهو يخرج ل**نه لكريم : علشان دي بت قلبي مش أي بت

أنور بصراخ : لاااااا خيانه خيانه

جوري : مالك يلا

أنور : بتخونيني ومع ده ( وهو يشير علىٰ عبد الرحمن ) أنتي بنت قلبي أنا يا جوجو هانم

جوري وهى لا تعير أنور أي إهتمام : خد يا عبودي يا حبيبي (وهمست في أذنه) الخطة هتتنفذ بعد بكرا يلا يا شبح إطلع نام

عمر (عنده لدغه في حرف الراء): جولي أنتي بتكلمي نلجس وعبده وأنا لا

جوري : حبيب قلب جوري يا ناس لا طبعًا بس أنا عملالك مفاجأة بعدين كدا

عمر : أممم طيب يلا هستناكم

جوري خبطت قدمها في الأرض بحركة عسكرية : إجمع هنا يا ظباط

وقف الشباب جميعًا أمامها وقاموا بتأدية التحية العسكرية

أنور : تمام يا فندم

كريم : تحت أمر سعادتك

مازن : تحت أمر سعادتك

أحمد : تمام يا فندم أأمر

سلمىٰ : هههه إيه ده شكلكم تحفه

ندىٰ : هتتعودي دي جوري بردو مش أي حد

جوري وهى تتمشىٰ أمامهم : دلوقتي يا عساكر تطلعوا علىٰ فوق وكل واحد ياخد زوجته معاه يلا وحد يجهز الفشار

كريم : خلي حد من الخدم يعملوه

جوري : لا طبعًا عيب عليك تصحيهم دلوقتي وعلشان كدا أنت إللي هتعمل الفشار

كريم ببكاء مصتنع : عاااا لا حرام مش عدل أنا إللي جايب الحاجات إللي فوق دي حد غيري يعمل الفشار بقىٰ

أنور بضحك : صعبت عليا أنا هعملوا

آسيا بخجل وصوت منخفض : ممكن أساعدك

جوري بخبث : أممم طيب يلا روحي وراه

جلسوا جميعًا في الصالة في الأعلىٰ وشاهدوا مسرحية العيال كبرت وصوت ضحكهم كان يصل إلىٰ أخر القصر وناموا جميعهم في أماكنهم

مر يومين وأصبحت جوري وآسر أصدقاء

" في صباح اليوم الثاني "

جوري : يلا بينا كدا علىٰ البسين المقفول

كريم : ياااه لينا زمان مش عملنا كدا

مازن : أيوة والله

" في غرفة البسين "

جوري : يلا كلو يترص جنب بعض علشان هعد لتلاته وكلنا ننط مع بعض

الكل : أوكية

جوري : 1..2..3

قفز الجميع عدا جوري ونرجس و عبد الرحمن وعمر

الكل : يح يح يح

وقاموا بإصدار أصوات إحتكاك أسنانهم ببعضها

كريم بصراخ : يح المية..........

*بقلمي: أميرة الظلام (مروه كمال محمد)*