فتاة تتحدى الجميع

الفصل الثالث عشر

جوري بخضة : إيه!! ( وبدأت تبكي وتلمس وجهه وجسده بتوتر ) قولي إيه واجعك أو أقولك مش تتكلم خالص يلا بينا علىٰ المستشفىٰ يلا ( وبدأت تسحبه من يده )

كريم بإبتسامة حزن وهو يحضنها : مش قصدي أنا كويس قصدي إني مخنوق مش طايق نفسي ولا طايق حد ( ضحك بسخرية وأكمل ) ومن شوية كنتي بتقولي عن نفسك أنانية مهو واضح

جوري ظلت تبكي وتتشبث بحضنه : أنا خايفة يا كريم خايفة يكرهوني أنا مش وحشة والله مش وحشة أنا بحبهم

كريم وهو يطبطب علىٰ ظهرها : أنا عارف إنك مش وحشة ومش عارف إزاي بتحبيهم بعد إللي عملوه فيكي أنتِ ظلمتي نفسك جامد يا جوري

وظل يتحدث معها حتىٰ هدأت وأرتخت يديها فأبعدها قليلًا وجدها نائمة فحملها وأخذها للبيت وبعد أن وضعها علىٰ السرير جلس بجوارها واِبتسم كيف يمكن أن تتحمل فتاة مثلها كل هذا العمل بمفردها بجانب عائلة قاسية لا تعرف الجوهرة التي بيدها وظل بجانبها حتىٰ نام هو الأخر

إستيقظت جوري ووجدت أنها نائمة في حضن كريم

فإبتسمت بتلقائية وقبلت خده ودخلت الحمام بهدوء أرتدت ملابسها وذهبت إلىٰ العمل

بعد 5 أشهر تدخل إلىٰ القصر بإبتسامة حزينة

محمد : جوري!!!

سليم : أخيراً جيتي يا بنتي وحشتينا

جوري : وإنتوا كمان علىٰ العموم مش جايه علشان أرغي

مازن : في حاجة حصلت

جوري : لا بس أنا عاملة مفاجأة لكريم وأحب حضراتكم كلكم تكونوا موجودين معاه لو ينفع طبعًا

آسيا بصدمة : أحييييه أنا نسيت إن النهارده عيد ميلادكم أنا إزاي غ*ية كدا

أنور بضحك : إيه أحيييه دي.. معلش يا جوري آسفين إننا نسينا

جوري : لا عادي ها مش يلا ولا إيه عايزين نوصل قبل كريم

ذهب الجميع وإنبهروا بمفاجأة جوري لكريم وبعد قليل دخلت سيارة آسر إلىٰ تلك الحديقة الكبيرة ونزل آسر وكريم وكان كريم مرتدي غطاء للعين ذهبت جوري وأمسكت بيده

كريم بإبتسامة : نفسي مرة أسبقك وأعملك مفاجأة، فضولي هيموتني أشيل الغطاء

جوري : لا لسه إمشي خطوتين كمان..أيوة أقف هنا وشيل الغطاء من غير ما تفتح لو فتحت هزعل منك for ever

كريم : حاضر مش هفتح واللّٰه إلا لما تقولي

أزال كريم الغطاء وظل منتظر

جوري :عد لخمسة وأفتح بس من غير غش

كريم بضحك : حاضر

كريم : 1..2..3..4..5

وفتح وحس إنه اتشل ومش قادر يصدق لقي مبنىٰ مكتوب عليه ببلالين كل سنة وأنتَ طيب يا حياتي وكان في كلام مكتوب علىٰ رأس بوابة المبنىٰ مكتوب مستشفىٰ الكريم

كريم بص لجوري بفرحة ودموعة علىٰ وشك الهطول

كريم : أنا بحلم صح

جوري فرحانة إنه فرحان : لا يا حبيبي كل سنة وأنتَ طيب وربنا يخليك ليا

كريم : وأنتِ طيبة ويخليكي ليا يا أحلىٰ حاجة في حياتي

جوري : مش يلا نقص الشريط وندخل

كريم : يلا

كاد يقص الشريط ولكنه توقف

كريم بضيق : دول بيعملوا هنا إيه بقىٰ

محمد : يا بني أنا

جوري : ثانية واحدة، كريم سامح يا حبيبي أنا سامحتهم علشان عيد ميلادي وأنتَ كمان سامح بقىٰ علشان خاطري

كريم : واللّٰه لولا خاطرك ده مكنتش هسامحهم، حاضر يا جوري هسامحهم بس لو غلطوا فيكي تاني يبقوا يعتبروني ميت

جوري بضيق وهيٰ تضع يدها علىٰ فمه : كريم لو سمحت لو مش عايزني أزعل منك متقولش كدا تاني ويلا قص الشريط علشان ندخل

قص كريم الشريط وفتح الباب وهو ينظر لجوري وبمجرد ما بص جوا اتصدم...كانت يارا واقفه بفستان أبيض فيه شريط أحمر حولين الوسط ومربوط فيونكه ولابسة شريط ستان نازل من الكتف لحد الخصر ومكتوب عليه تتجوزني

كريم : جوجو ممكن تقروصيني أصلي انا من كتر فرحتي بقيت أتخيل حاجات

جوري بضحك : لا مش بتتخيل ودي بقىٰ يا سيدي مفاجأتي التانيه

كريم بضحك : مش قادر أصدق واللّٰه حاسس إني بحلم

يارا : يوووه حد يض*به أنتَ أصلا عمرك شوفت بنت بتعرض الجواز علىٰ ولد

كريم : ههههه الصراحة لا بس أنا موافق

يارا بضحك : طيب يلا

كريم : يلا إيه!!؟

جوري وهيٰ تعطيه علبة قطيفة : امسك يا ذكي

كريم فتح العلبة وجد خاتم ألماس فوق الرائع وقام بالركوع علىٰ ركبته

كريم : تتجوزيني

يارا بفرحة : أكيد

إرتدت يارا الخاتم

كريم وهو ينظر لجوري : طيب إيه أنا هديتي ولا تسوىٰ قدام هديتك لا أقصد هدياكي

جوري : واللّٰه يا كريم لو كانت وردة متتخيلش هتفرحني قد إيه

كريم : المشكلة إني عارف عمومًا يلا علشان تشوفيها

جوري : لا يلا فين استنىٰ مش تتعرف علىٰ فريقك الطبي

كريم : أنتِ كمان جهزتيلي فريق طبي بتهزري يا جوري عملتي كل دا إزاي وأمته

جوري : بدأت من سنة ونص في بناء المستشفىٰ وفريقك الطبي قدرت أجهزه بسهولة بفضل دكتور سعيد ده

د/ سعيد : إيه ياد نسيتني بالسرعة دي

كريم بفرحة : أنتَ إزاي جيت هنا أقصد أنا مش قادر أصدق أي حاجة من الفرحة

جوري : كلمت صحابك وعرفت منهم إن هو دكتورك المفضل في الكلية وعرضت عليه يجي يشتغل هنا معاك لحد علىٰ الأقل ما تقدر تدير المستشفىٰ دي لوحدك

كريم : لا أنتِ تستاهلي بوسة

باسها في خدها وشالها وفضل يلف بيها ونزلها وفضل حاضنها

آسر بغيرة : إحم إحم أنا موجود علىٰ فكرة وممكن أض*ب كريم

جوري بضحك وهيٰ تشد آسر من خده : يسلملي الغيور

آسر بألم : أه خديَّ خلعتيه بس فداكي

بعد حوالي ساعة ذهب الجميع وذهبت جوري مع آسر ويارا إلىٰ الشركة وبمجرد أن نزلت من السيارة ورأت....

*بقلمي: أميرة الظلام (مروه كمال محمد)*