فتاة تتحدى الجميع

الفصل الثاني عشر

جوري : سلام

" في منزل آسر "

آسر : السلام عليكم يا أهل الدار

خرجت بسمة من المطبخ

آسر : أمال فين الحج

بسمة : في المكتب

آسر : طب أنا رايحله اِبعتيلي حد بفنجان قهوة علىٰ المكتب

بسمة : من عينيا هعملهالك بإيديا يا حبيبي

آسر : تسلملي إيد*كي يا ست الكل

" في غرفة المكتب "

آسر : إزيك يا حج

منصور بسخرية : أنا تمام يا باشا أنتَ كنت فين يا باشا

آسر بتوتر : إيه أه كنت مع كريم وأنور

منصور : أممم طيب علىٰ العموم متتأخرش بكرا علشان عمامك جايين بكرا عندنا معزومين علىٰ الغداء وهيقضوا اليوم معانا

آسر : إيه طيب أمي قالتلي أعزم جوري عندنا بكرا

منصور : أنت كلمتها

آسر : أه لسه قافل معاها من شوية

منصور : خلاص مش مشكلة وهيٰ جوري غريبة

آسر بفضول : قولي يا حج هو حتىٰ عمي سامح جاي

منصور : أيوة وهيقعدوا عندنا ليه في حاجة

آسر بصدمة : إيه لا أنا مش بطيق البت رحاب دي طول الوقت لازقة في ديلي ميقعدوا عند عمي جمال

منصور بضيق : مينفعش أنتَ ناسي إن هو هيقعدوا عندوا عيلة مراته علشان فرح إبنه وبعدين مالها رحاب ياخويا أنا مش عارف مش عجباك ليه بنت جميلة ورقيقة ده سامح أكتر من مرة يلمحلي علىٰ الموضوع ده

آسر : بابا أنا إللي هتجوز مش أنتَ أو هو وأنا رحاب دي مش بتنزلي من زور أصلًا

منصور : هتندم لما تروح لغيرك

آسر : أنا عايز أندم بقولك إيه أنا طالع أنام

وفي نفس الوقت دخلت بسمة بالقهوة

بسمة : أحلىٰ قهوة لأحلىٰ إبن

آسر بإبتسامة : تسلميلي يا ست الكل أنا هشربها في أوضتي

بعد ذهاب آسر

بسمة : ما تسيب الواد براحته هو أنتَ إللي هتتجوز ولا هو وبعدين رحاب دي متنكة أوي يعني الواد معاه حق

منصور : وهو علشان هيٰ بتلبس حلو وبتتكلم حلو يبقىٰ متنكة والنبي روحي أنتِ وإبنك أنا مش ناقص

في اليوم التالي قامت جوري بتهكير الكاميرات ليارا وذهبت لمنزل آسر وإنصدمت بالأشخاص الذين هناك

جوري : آسر هو مين دول

آسر : تعالي أعرفك عليهم

آسر للجميع : دي جوري يا جماعة حب..

وض*بته في بطنه لكي لا يكمل

آسر بوجع : أقصد صديقتي وعدوتي ودول بقىٰ يا جوري عمي سامح ومراته داليا وعمي جمال ومراته نوران ودي رحاب وأختها ريهام وده عريسنا مراد ولينا خطيبته وسندس أخته

جوري بإبتسامة : إتشرفت بحضراتكم

الجميع عدا رحاب : إحنا أكتر

لينا بضحك : ممكن أفهم إزاي صديقته وعدوته في نفس الوقت

جوري بضحك : أصلي أنا مهندسة زيه وعندي شركتي الخاصة وقبلها كنت بدير شركة العيلة فوقتها أنا وهو كان في تحدي بينا وهو كان هيموت وياخد صفقة واحدة بس مني ومقدرش

آسر : بس الصراحة كنت فاكر إني أحسن مهندس طلعت ولا حاجة بالنسبة لجوري

جمال : قوليلي يا بنتي هو إيه إسم شركتك

جوري : JA للهندسة والت**يم

مراد بصدمة : إيه يعني أنتِ جوري الأمير

جوري بإبتسامة حزينة : للأسف

جمال : للأسف ليه أنا سمعت إنك من أنجح سيدات الأعمال في مصر

آسر مغيرًا الموضوع : المهم إيه مش هناكل لحسن أنا هموت وأكل

جوري بضحك وهمس في أذنه : وأنا كمان إنتوا ليه بتحبوا تجوعوا الواحد

آسر بضحك : معلش

منصور : طيب يلا بقىٰ علىٰ السفرة

جلست جوري بجوار آسر ورحاب أمامه تنظر له نظرات إعجاب واضح وجوري تغلي بداخلها

جوري بهمس لآسر : آسر هيٰ البت رحاب دي مش شايلة عينيها من عليك ليه

آسر : أصلها بتحبني من لما كنا أطفال

جوري بصوت عالي نسبيًا : نعمممم

نظر لها الجميع

جوري بصوت منخفض : طيب إتنيل كل لحسن أقوم وأمسكها من شعرها وأحط وشها في الطبق إللي قدامها

آسر بضحك : حاضر يا قلبي سيبك منها

وبعد دقائق نظر آسر أسفل السفرة ونظر بعدها لرحاب ثم جوري

جوري : إيه مالك

آسر بتوتر : ها مليش

نظرت جوري أسفل السفرة وجدت رحاب تحسس بقدمها علىٰ قدم آسر

جوري تكاد تجن وتضغط على الشوكة في يدها بقوة وفجاءة وضعت الشوكة في قدم آسر بقوة وآسر صرخ ونظر لها بألم والجميع نظر له

منصور : مالك؟!!

آسر وهو يكتم آلمه : م م مليش

جوري بهمس : اِبعد رجلك لورا علشان مش أقتلك أنتَ وهيٰ

آسر بخوف : ح حاضر

وبعد تناول الطعام ذهبت جوري وآسر ليتمشوا في الحديقة وجاءت خلفهم رحاب وقامت بإحتضان آسر من الخلف

رحاب : إنته واحشني جدًا علىٰ فكرة

أبعدها آسر برفق ونظر لجوري التي تكاد تنفجر من الغيظ

آسر : إيه إللي طلعك يا رحاب

رحاب : إنته وحشتني موت وفي الأخر تسيبنا وتمشي مع دي

جوري وهيٰ ترفع أحد حاجبيها : أفندم قصدك إيه بدي بقىٰ

آسر : أولًا يا رحاب جوري مش مجرد صديقة لا دي أعز صحابي كمان وحبيبتي بس هيٰ رافضة أتقدملها دلوقتي علشان شوية مشاكل عائلية

رحاب بصدمة : إيه إزاي طيب وأنا

آسر : وأنتِ إيه معلش!؟

رحاب : وأنا حبيبتك هتسيبني كدا وعلشان مين علشان دي ( قالتها وهيٰ تنظر لها بق*ف )

جوري وهيٰ تنظر للسماء بنفاذ صبر : اللهم طولك يا روح علىٰ هذا اللوح

ضحك آسر وعندما نظرت له جوري خرس

آسر لرحاب : أولًا أنا عمري ما قولتلك إني بحبك يا رحاب ولا عمري وعدتك بحاجة

رحاب بضيق موجهة كلامها لجوري : علىٰ فكرة أنتِ بيئة أوي

جوري : آسر كتفني

آسر بإستغراب : نعم!!!

جوري بغضب : كتفني قبل ما أقتلها

رحاب : مش بقول بيئة ...أنتِ so local علىٰ فكرة

جوري بإبتسامة : غيرت رائي أوعىٰ تلمسني أنا قررت أقتلها

ولسه هتمسكها قام آسر بإحتضانها من الخلف

آسر : جوري متستاهلش أنتِ أحلىٰ وأحسن منها متنزليش لمستواها

جوري : آسر أنا ماشية

رحاب : يبقىٰ أحسن

جوري بإبتسامة : حبيبي اِض*بني بالجزمة لو قلتلك تمسكني

آسر بضحك : خلاص يا قلبي بقىٰ سيبك منها

رحاب : سيبها هيٰ فاكرة نفسها مين دي أساسًا باين جدًا عليها إنها شوارعية

جوري بصراخ : سيبنننني أنا شوارعية يا زبالة يا حقيرة

وض*بت آسر بكوعها فتركها ومسكتها من شعرها

جوري : مش أنا شوارعية في نظرك يبقىٰ مفيش مشكلة أعمل زيهم

رحاب بوجع : أأأأأأه شعري يا مجنونة

آسر بضحك ويحاول إبعاد جوري عنها : خلاص يا جوري بقىٰ سيبيها

تركتها جوري وتن*دت

جوري : لولا إني عندي شغل كنت خلصت عليكي ... يلا باي باي يا حبيبي

آسر بضحك : باي نتقابل بالليل

جوري : ماشي باي أه صحيح ببباي يا رحاب

رحاب : في داهيه

جوري بنبرة تهديد : أفندم عيدي تاني مسمعتش معلش أصل شعري كان علىٰ ودني

رحاب بخوف : قولت باي

جوري بغرور : أفتكر

ذهبت جوري وأثناء قيادتها السيارة تذكرت أول مرة اِعترف لها آسر بحبه من شهرين

Flash back

كانت جوري في مركب في النيل ومعها آسر وكانت ترتدي غطاء للعين

جوري : أشيل البتاع ده بقىٰ

آسر : إستني اِطلعي السلالم دي .... أيوة بس أقفي هنا...شيليها يلا

شالت جوري الغطاء ووجدت أنها في مركب مزين بالورود والشموع

جوري بفرحة : الله يا آسر

آسر : أرفعي رأسك لفوق شوية

رفعت جوري رأسها ووجدت أن أضواء المباني مطفئة

جوري : إيه ده!!!

آسر : خليكي باصة ويلا نعد من 5

جوري وآسر : 5..4..3..2..1

وفجاءة إشتعلت بعض الأضواء حتىٰ شكلت كلمة بحبك

جوري بدموع وهيٰ تنظر لآسر : أنا مم مش مش عارفة أقول إيه

آسر وهو يمسح دموعها : متقوليش حاجة أنا مش عملت كدا علشان أشوف دموعك

جوري بإبتسامة : دي دموع الفرحة وعلىٰ فكرة وأنا كمان

آسر بخبث : وأنتِ كمان إيه

جوري وهيٰ تض*به في كتفه : بطل بقىٰ

آسر : يالهووي لما بتت**في بتبقي عسل

جوري : آسر شكرًا

آسر : علىٰ إيه

جوري : علىٰ كل ده

آسر : ومين قال إني عملت كدا علشانك

جوري بصدمة : نعمم طب عملت كدا علشان مين بقىٰ

آسر : علشاني طبعًا أنتِ لما بتفرحي أنا بفرح أكتر

جوري : ربنا يخليك ليا

آسر : ويخليكي ليا يا حياتي

Back

إبتسمت جوري علىٰ هذه الذكرى وإتجهت لقصر الأمير

دخلت جوري إلىٰ القصر وكان كريم يلعب في الموبايل وبمجرد إستماعه لصوت كعبها إبتسم

كريم بدون أن يبعد عينيه عن هاتفه : جايه ليه البيت الكئيب دا يا حبيبتي

جوري بإبتسامة ثقة : أصلهم صعبوا عليا

محمد بفرحة وهو يتجه ليحضن إبنته : نورتي بيتك يا بنتي

جوري وهيٰ ترفع يدها في وجهه لتمنعه : ده مش بيتي... بيتي مستحيل يعيشوا فيه ناس قاسية زيكم

أشرف : جايه ليه عايزة تشمتي فينا وأنتِ شايفانا بنفلس

جوري وهيٰ تنظر له بق*ف وضيق : إحنا الإتنين يا عمي عارفين كويس مين إللي ممكن يشمت في التاني

كريم : يلا بينا من هنا أنا أساسًا مجهز شنطتي وكنت همشي وأجيلك دلوقتي

محمد بصدمة : إيه!!!

جوري : ثانية يا كريم..أولًا يا عمي ( وهيٰ تنظر لأشرف ) إنتوا مش هتفلسوا ولا حاجة دي شركة الهندسة إللي هتفلس لأن أنا أغلب شغلي بيروح لآسيا علشان الد*كور ومازن الحديد ومستلزماته يعني مستحيل تفلسوا

أشرف وهو ينظر بصدمة لمازن وآسيا : نعم يعني إيه طب ليه بتقولوا إن ربح الشركتين يدوب فين الفلوس إللي الشركتين بي**بوهم

جوري بسخرية : وهو أنتَ فاكر إني ممكن أسمحلهم ياخدوا الفلوس إللي بي**بوها من ورايا ويدوها لحضرتك no way الفلوس دي تروح لشركتكم علىٰ جثتي

كريم الذي كان قد تركهم ليحضر حقيبته وعاد : يلا يا جوري

أشرف : يعني إيه ها رد عليا يا مازن أنتَ بتتحالف معاها علينا أنتَ وأختك

مازن : الفلوس دي بن**بها من جوري ولولاها كان ممكن تخلينا نفلس إحنا كمان بس هيٰ مش شريرة زي ناس ( يقصده ) علشان تعمل كدا جوري أحسن واحدة في البيت ده وفي الأخر تمش*ها عند أول غلط ( ضحك بسخرية ) وياريتها غلطتت بجد إنتوا إيه ليه مش أفتكرتولها ولا حاجة من إللي هيٰ عملتها علشانا كلنا إنتوا مش بشر إنتوا.....

جوري بزعيق مقاطعة إياه : بس يا مازن بس

مازن بغضب : مش هبس يا جوري مش هبس عارفة ليه علشان إللي بتعمليه ده غلط إنتي دايمًا بتسامحي أنا نفسي تبقي أنانية شوية وتحبي نفسك

جوري : وأنا أنانية أهو فتحت شركتي إللي بقيت رقم 1 ف شهر واحد عمرك شفت حد عملها قبل كدا لا طبعًا

كادت تمشي ولكنها توقفت ونظرت لكريم الذي يمسك بحقيبته وماشي وراها

جوري : كريم أنتَ مش هتمشي من هنا فاهم

كريم : بس يا جوري

جوري مقاطعة : قولت كلمة ومش حابة أعيدها المشكلة مشكلتي أنتَ ذنبك إيه ، إسمع الكلام يا حبيبي

كريم : أوف وهو لو أنا إللي واقع في مشكلة كنتي هتسيبيني ...لا طبعًا أنا وأنتِ تؤام والمفروض نفضل مع بعض في الحلوة والمرة

جوري : أرجوك

كريم : أرجوكي أنتِ أنا لو مش روحت معاكي هروح أقعد في أي فندق لكن مش هفضل في البيت ده

جوري بإستسلام : طيب هتفضل واقف كتير يلا

كريم بفرحة : يلا

خرجوا وذهبوا إلىٰ الكورنيش ووقفوا وجوري تنظر للنيل ب**ت

كريم بحزن : أنا آسف

جوري بحزن هيٰ الآخرىٰ : علىٰ إيه أنتَ عمرك عملت حاجة غلط سيبك يا حبيبي منهم قولي أخبارك إيه

كريم : مش كويس يا جوري تعبان

جوري بخضه : إيه!!

*بقلمي: أميرة الظلام(مروه كمال محمد)*