"Sir? Saan po tayo pupunta?' takang tanong ni Valentina nang ibigay sa kaniya ni Simon ang binili nitong dress.
"Gusto ko lang i-treat ang anak kong si Jamaica dahil perfect ang lahat ng exams niya. At sinabi niyang isama raw kita dahil ikaw ang nagturo sa kaniya kung paano iyon masagutan ng tama..." sagot naman ni Simon.
Nakagat ni Valentina ang kaniyang pang - ibabang labi dahil bigla siyang kinilig sa sinabing iyon ni Simon. Kahit hindi nakapagtapos ng pag-aaral si Valentina, maalam naman siya pagdating sa klase. Kaya kung ano ang naaalala niya tungkol sa mga pinag-aralan niya noon, itinuturo niya kay Jamaica. At masaya siya dahil nakakatulong siya sa bata.
"Maligo ka na at magbihis. Nagbibihis na si Jamaica. At mag-aasikaso na rin ako," sambit pa ni Simon bago ito nagtungo sa kaniya
