"Valentina...."
"Hmm... bakit? May kailangan ka ba?" wika ni Valentina at saka pinilit na nginitian si Angela.
Marahas na kumamot si Angela sa kaniyang ulo. "Naiinis akong makita kang umiiyak. Alam kong masakit pero syempre, huwag mong hayaan ang sarili mo na kabaliwan pa si sir Simon. Hindi ka niya deserve. Ni hindi ka nga niya kayang panindigan. Masyado siyang nagpapauto sa hipag niya. Kaya talagang pagsisisihan niya ang lahat kapag nakita niya ang tunay na anyo ng bruhang iyon..." inis na sambit ni Angela.
Huminga ng malalim si Valentina bago tipid na ngumiti. "Hindi ko na iniisip silang dalawa. Sino ba naman kasi ako, 'di ba? Isa lang akong hamak na maid. Katulong. Tagasilbi. Kaya tama ka. Kailangan ko ng alisin sa puso ko ang nararamdaman ko kay sir Simon. Hindi siya madali kasi s
