"Hoy! Kumusta ang pakiramdam mo? Tatlong araw din na hindi ka nagtrabaho. Na- miss kita..." wika ni Angela nang makapagtrabaho na si Valentina.
"Oo nga eh. Nagkasakit kasi ako. Hindi ko nga alam kung bakit ako nagkasakit eh nasa bahay lang naman ako..." palusot naman ni Valentina.
"Ganoon talaga. Kahit nasa bahay ka lang, hindi maiiwasan ang sakit. Dinadala kasi iyan ng hangin. Mabuti nga gumaling ka na. Medyo nahirapan akong maglinis kasi ako lang mag- isa pero buti na lang mabait si sir Simon. Dinagdagan niya ang araw na mag-isa lang akong kumilos..." wika ni Angela sabay ngiti.
Tumango na lang si Valentina at inabala na ang sarili sa pagwawalis. Muli niyang inalala kung paano siya alagaan ni Simon noong nagkasakit siya. Hanggang gabi, pinupuntahan siya nito sa kuwarto upang i- check
