Napalingon ako kay Sky. Nakatingin din siya sa akin. Parang may gustong sabihin pero pinipigilan lang.
Palagi na lang ganoon si Sky. Ano bang mayroon at rason para hindi niya ituloy ang sasabihin niya?
Pinisil ni Hero ang aking kamay, kaya nakuha niya ang atensiyon ko.
"Kakausapin kita mamaya. Magpahinga ka muna. Mauna na ako. May kailangan pa akong asikasuhin," ika niya. "Hintayin mo ako."
Tumango lang ako sa kaniya.
"Mag-iingat ka. Please, help us to find Fleir," pakiusap ko.
Sobrang nag-aalala na ako sa aking kaibigan.
"Ako na ang bahala. Basta mag-uusap tayo mamaya," bulong niya sa akin.
"Thank you, Hero. Tulungan mo kaming hanapin ang anak namin. Nagmamakaawa kami sa iyo. Hindi ko na alam anong mararamdaman ko kung may nangyaring masama sa kaniya," umiiyak na pakiusap ni
