Kabadong-kabado ako kung sino ang mga makikita kong papalapit sa kinaroroonan ko.
Hindi ako masyadong gumagalaw, dahil takot akong baka makarinig sila ng kaluskos. Medyo napa-praning ako. Alam ko namang tatagos ako kahit saan, pero natatakot ako na baka may kakayahan silang makita ako.
Naririnig ko ang mga yapak nila. Hindi sila umiimik kaya mas kinakabahan ako. Ayoko silang lingunin.
Aalamin ko na lang kung sino sila kapag nasa tapat ko ang dalawang lalaking iyon.
Halos tumigil ang hininga ko nang mapansing tumigil sila sa paglalakad. Napalingon naman ako sa gilid. Napansin kong nasa tapat ko na sila. Nakatalikod ang isa.
Napansin ko naman ang nagngangalang Levi Clark kanina. Anong ginagawa niya rito? Bakit mabilis siyang nakarating sa kinaroroonan namin?
Sino naman kaya itong ka
