Kasama ko ngayon si Luna. Madami siyang kinukwento pero wala akong na-a-absorb sa mga sinasabi niya.
Kanina pa tahimik si Hero matapos kong banggitin ang pangalan ni Janel. Kilala niya kaya ito? Mamaya ay tatanungin ko si Dylan.
"Huy! tulala ka na naman," pukaw ni Luna sa atensiyon ko. Kinakaway-kaway pa ni Luna ang kamay niya sa harap ko. "Kung tungkol kay Aphrodite 'yan, tutulungan kita," dagdag pa ni Luna.
Nilingon ko siya. Tumango na lang ako para wala na siyang ibang isipin.
"Kailan kaya ako papansinin ni Hero? Mukhang masama na naman ang timpla niya ngayon. Bakit kaya?" tanong ni Luna.
Nagkibit-balikat nalang ako.
"Hindi ko rin alam," tugon ko.
"Hindi bali na nga. Ang mahalaga ay nakita ko siya. Balak ko ring kausapin ngayon si Kyle. Baka may alam siya tungkol kay Aphrodi
