"Kayt," tawag sa akin ng lalaking nagpagulo ng buhay ko.
Bigla akong itinayo ni Hero.
"Anong ginagawa mo dito?" tanong niya sa akin. Tiningnan ko siya nang masama.
"Ako ang dapat magtanong nan. Anong ginagawa mo dito, Hero?"
Tinitigan ko siya nang masama. Nagulat siya sa tanong ko.
Padabog kong tinanggal ang pagkakahawak niya sa akin.
"Kayt, mali ang iniisip mo,"
malumanay na pagkakasabi niya.
"Pwes, patunayan mo!" hamon ko sa kaniya.
Pinigil ko ang mga luhang nagbabadya na naman sa aking mga mata. Nanggigigil ako sa inis at sakit.
"Sinundan ki---"
"Hindi ako naniniwala. Huwag mo na akong lokohin," pagputol ko sa kaniyang sasabihin.
"Hindi kita niloloko. Please trust me," pagmamakaawa niya.
Hinila niya ako para yakapin. Nagpapapalag ako pero masyado siyang malakas.
