Kayt's POV
Hindi ako makatingin kay Fleir. Nahihiya ako sa kanya dahil nakita na naman niya akong umiiyak at mahina.
"Paano mo ako matutulungan?" tanong ko sa kanya.
Nakatingin lang siya sa aking mga mata. Halos ayaw na niyang umimik. Seryoso lang siya. Sanay akong lagi niya akong inaasar o kaya ay patatawanin kapag may problema ako. Iba ngayon. Bakit kaya?
"Paano Fleir?" ulit ko.
Inilagay naman niya ang dalawang kamay niya sa magkabilang balikat ko. Kita ko ang lungkot sa kanyang mga mata.
"Matagal ko nang alam na mahal mo si Sky," saad niya.
Lalong kumunot ang noo niya noong sinabi niya iyon. Halata ba ako masyado? Kung halata niya, baka halata na rin ng iba?
"Kita ko kung gaano kasaya ang mga mata mo sa tuwing tinitingnan mo siya noon. Alam ko rin kung kailan mo tinatago a
