عشقتك يا ملكتي

الفصل الثامن

شادي وهو يهز رأسه بلا : لا مش فاهم أنا طلبت إيدك من أبوكي وهو وافق .

فاريهان بتوتر : نعم!

إبتعدت عنه وإتجهت للخارج وركبت سيارتها وسمحت لدموعها بالنزول على حظها وفجاءة رن هاتفها

فاريهان ببكاء : أيوة مين .

فادي بقلق : فاريهان إنتي بتبكي .

فاريهان وهى تمسح دموعها : ها لا لا دا في حاجة دخلت في عينيا

فادي بشك : متأكدة

فاريهان : أه أه أكيد .. إنت كنت عايز حاجة

فادي : لا كنت عايز أتفق معاكي نخرج بكرا مع بعض لو فاضيه يعني أصلي مش عندي أصحاب كتير ممكن أخرج معاهم .

فاريهان : أه فاضية

فادي : تمام أوي كدا أنا هخلص شغل الساعة 3 وأعدي أخدك من البيت .

فاريهان بتوتر : ها..لا لا أنا هقابلك بره أصلي مش هرجع البيت بعد ما أروح الكلية .

فادي : أوكيه .. إتفقنا يلا سلام

فاريهان بحزن : سلام

في اليوم التالي ذهبت فاريهان إلى فادي في مبنى المخابرات وكان فاضي يجلس في مكتبه مع أحمد وخبط العسكري ودخل.

العسكري : في واحدة برا بتقول إنها عايزة حضرتك يا باشا

فادي بإستغراب : واحدة..... عايزاني..دخلها

دخلت فاريهان التي إنصدم فادي برؤيتها

فادي : فاريهان

فاريهان بإبتسامة : مفاجأة... ها حلوة ولا وحشه..يلا بقى إنت مش قولت الساعة 3 دلوقتي 3 إلا 5

فادي بإبتسامة : تعالي إقعدي طيب

أحمد بخبث وهو يمد يده لها : إحم إحم أنا أحمد وإنتي

فاريهان بإبتسامة : فاريهان

فادي بضيق : طب يلا يا أحمد شوف وراك إيه إنت

أحمد بضحك : مش ورايا حاجة متخليني قاعد معاك حتى ده الجو تحفه هنا

إبتسمت فاريهان بخجل ولم تتكلم

فادي بغضب : أحمدددد

أحمد : خلاص يا عم عرفنا إنك عايز توزعني

أمسك يدها وقبلها

أحمد : إتشرفت بمعرفتك يا فاريهان

إبتسمت فاري بلطف وقالت له أنا أكتر وخرج أحمد مسرعاً قبل أن يقتله صديقه

فادي بغيرة : حلو أوي عماله توزعي في الإبتسامات لخلق الله

فاريهان بخبث : وإنت إيه اللي مدايقك

فادي بتوتر : ها ااا يلا بينا

ذهبت فاريهان وفادي وإستمتعوا كثيراً وبدأ فادي الوقوع في حبها حقاً وإعترف لها بحبه وأخبرته هى أيضاً بمدى حبها له وأنها أحبته عندما رأته أول مرة وبعد إسبوع

" في منزل فاريهان "

سليمان بغضب : أنا مش فاهم إنتي ليه رافضه تتجوزي شادي واحد بيحبك وهيشيلك في عيونه وأهو من نفس مجالنا يعني هن**ب من وراه كتير

فارس : إنت اللي غلطان قولتلك متسمعش كلامها وجوزها على طول لي شادي

فاريهان بغضب : وريني هتعملها إزاي يا فارس... بابا أنا بدير شغلك الزباله ده غصب عني وبديره بكفأة عاليه ... يعني إنت عارف إني أحسن من إبنك ده ولو إتجوزت شادي وقتها هيخليني أشتغل معاه وإنت اللي هتخسر وقتها مش أنا ... فكر كويس وإحسبها صح

وخرجت وتركت له المنزل وإتجهت لمنزل فادي وبمجرد أنا فتح لها الباب إرتمت في حضنه تبكي..أغلق فادي الباب

فادي بقلق : حبيبتي إنتي بتبكي ليه

فاريهان : ممكن أفضل كدا شوية

فادي أمسكها من يدها وذهب إلى غرفته وأدخلها الحمام وغسل وجهها وخرج وأجلسها على السرير

فادي : طيب بصي فهميني مالك حد ضايقك

فاريهان بدموع : مقدرش أقولك سامحني

فادي وهو يحضنها : هش هش .. خلاص متقوليش بس على الأقل بطلي عياط

فاريهان بتساؤل : هو فين إياس وطنط

فادي : سافروا من شوية البلد يزوروا قاريبنا

فاريهان : ماشي

ظلت في حضنه تبكي حتى نامت وتركها على السرير وغطاها وذهب هو لينام في غرفة إياس وفي الصباح ترك لها رسالة بجانب السرير وخرج إلى عمله..إستيقظت هى تشعر براحه غريبة وأمان وقرأت الرسالة ودخلت الحمام وأخذت شاور وإرتدت أحد قمصانه ووضعت ملابسها في الغسالة ثم أخرجتها ووضعتها في المجفف ودخلت المطبخ لتعد بعض الطعام لها وأثناء وجودها في المطبخ جاء فادي ولم يستطع كتم ضحكته على منظرها

فاريهان وهى تنظر خلفها له : بتضحك ليه وأساساً إمته جيت خضتني

فادي وهو يحضنها من الخلف : سلامة قلبك يا جميل من الخضة.. بس إيه اللي إنتي لبساه ده

فاريهان : معرفتش ألبس إيه .. إستنى أروح أشوف هدومي زمانها نشفت

أمسكها من يدها : تعالي بس شكلك كدا أحلى .. يلا ناكل أنا عايز أدوق عمايل إيد*ك الحلوين دول

كانت فاريهان ترتدي قميصه الذي يصل لها إلى الركبة بسبب كبره عليها وأكمامه طويلة لذلك قامت بتشميرها

فادي وهو يأكل : أمم لا مش حلو

فاريهان بحزن : كنت عارفة أنا أصلا مبعرفش أطبخ

فادي بإبتسامة : طب أكليني اللحمه دي بإيدك كدا

قامت بإطعامه بيدها

فادي وهو يقبل يدها : الله تحفه

فاريهان : مش من شوية كان وحش

فادي : أه بس لما الإيدين الحلوين دول لمستهم خلتهم قشطه .. مهلبيه..سكر.. حلويات يعني

إبتسمت بخجل وإحمرت وجنتيها

فادي بغضب : لا لو سمحتي إختفي من قدامي دلوقتي أنا كدا ممكن أتهور

فاريهان بضحك وهى تنهض : لا لا خليني في الأمان أحسن

سحبها فادي من يدها وأجلسها على قدمه وكتفها بيديه

فادي : هو دخول الحمام زي خروجه يا قمر

فاريهان بضحك : ههههه لا سيبني

فادي وهو يحرك يده على رقبتها بيضحكها : ولو مسبتكيش

فاريهان بضحك : ههههههه لا مش قادرة هههه يا فادي إنت بتضحكني بس هههه

فادي وهو يقرب رأسه من وجهها وينظر لشفايفها : يخربيت الفراولة دي نفسي. أكلها

فاريهان بضحك وهى تض*به وتقوم : لا متحلمش

مر إسبوع آخر ونسي سليمان أمر زواج شادي وفاريهان وفي أحد الأيام في مبنى المخابرات في غرفة الإجتماعات

عبد الله : قدرنا نعرف مين دراعه اليمين ودلوقتي هعرضلكم صورها ومعلومات عنها

تم عرض صور فاريهان على الشاشه ونظر فادي وأحمد وجاسم لها بصدمه فهم يعرفونها جيداً عن طريق فادي

عبد الله : إسمها في عالم الجريمة توركان أما الحقيقي...

قاطعه فادي : فاريهان

بقلمي : أميرة الظلام (مروه كمال محمد)