عشقتك يا ملكتي

الفصل التاسع

قاطع فادي : فاريهان

عبد الله بإستغراب : إنت عرفت إزاي

فادي بغضب : هقتلها

عبد الله : مبن دي.. إحنا عايزين نمسكها متلبسه دي ذكية جداً وقوية ودايماً بتنقذ أبوها مننا على أخر لحظه قبل ما نمسكه متلبس

دخلت فاريهان الغرفة

عبد الله بصدمه : إنتي إنتي.. إزاي دخلتي هنا

فاريهان : أولاً هما كلمتين هقولهم .. أوعى تفتكر إن الراجل اللي إنت حاطه بين رجالتي هو اللي قدر يبعتلك المعلومات دي .. أنا اللي بعت الحاجات دي مش هو

فادي وهو يتجه نحوها ويمسكها من رقبتها بقوة ويخنقها : هقتلك يا فاريهان ..أنا إزاي كنت أعمه كدا إزاي معرفتش حقيقتك لما شفتك

حاول أحمد وجاسم إبعاده عنها ولكنهم لم يستطيعوا

عبد الله بغضب : فاااادي سيبها

تركها فادي بغضب

فاريهان بدموع : أنا ممكن أكون كدبت في كلامي معاك لكن أنا بحبك يا فادي ودي الحقيقة الوحيدة في حياتي

ض*بها قلم طير وجهها إلى الجهه الأخرى

فادي : ما تبطلي كدب بقى إنتي إيه

عبد الله : إقعد يا فادي خلينا نسمع هتقول إيه

جلس فادي بغضب وبدأت هى الكلام

فاريهان : أنا فاريهان سليمان وإسمي في عالم الجريمة توركان ( الملكة ) أنا هنا دلوقتي علشان أبلغ عن صفقه من أكبر الصفقات اللي بابا هيعملها وهو بنفسه وفارس هيكونوا هناك أنا عايزاكم تمسكوهم متلبسين علشان يدخلوا السجن وميطلعوش من هناك أبداً

عبد الله بشك : وإيه اللي يخلينا نصدق كلامك ده

فاريهان : معايا أدله تثبت كدا وأنا هروح معاهم علشان أسهل عليكم القبض عليهم .. أغلب رجالة بابا بيسمعوا كلامي أنا مش كلامه يعني لو أمرتهم يسلموا نفسهم هيسلموا.... الفلاشة دي فيها معلومات عن كل الصفقات اللي بابا عملها واللي أنا عملتها وفيها فيديوهات بردو

عبد الله : ممكن أعرف إنتي ليه بتعملي كدا

فاريهان : سيادة القائد إنت فاكر إني محظوظه زي أولاد حضرتك أو زي بقيت الناس... أنا كل اللي كنت عايزاه حياة عادية للأسف أبويا مجرم هو وأخويا وأجبروني إني أكون زيهم ( وبدأ صوتها يعلو ودموعها تنزل ) أنا شوفته وهو بيقتل أمي قدام عينيا كل ده ليه؟! علشان عارضته في حاجة تخيل إنت تكون طفل عمره 5 سنين وتشوف والدتك بتموت قدام عينيك وأبوك اللي بيقتلها.. وبعدها بسنتين بس عادب نفس الحكاية وقتل مراته التانية بردو قدامي ... بعد ما خلصت ثانوي وجبت مجموع عالي رفض يدخلني الكلية وشغلني معاه وهو عارف إن حياتي متفرقش عندي علشان كدا هددني إنه هيأذي إخواتي ... صدقته وبقيت الملكة اللي كل أصدقائه نفسهم أبقى بنتهم هما وكل شوية حد من عالم الجريمة يعرض الزواج عليا وأبويا يوافق وأنا أرفض وأضحك عليه بكلمتين... عارفه إني مليش الحق أحب واحد زيك يا فادي بس والله م كان بإيدي وموافقة بأي شيء هتعملوا فيا المهم تساعدوني أخلص منهم .. أنا بكره الأكل اللي باكله بكره لبسي بكره كل حاجة عندي علشان من فلوس حرام ولولا إخواتي كنت قتلت نفسي من زمان

فتح عبد الله الفلاشه وفتح فيديو كان يحتوي على الصفقة التي قامت بها مع شادي في ذلك اليوم حيث كانت تضع الكاميرا في المصباح الأمامي لسيارتها ونظر الجميع بتمعن

أحمد : إنتي ذكية جداً والمفروض الواحد يخاف من ده

فاريهان : مش فارقه تخافوا أو لا... أنا كل اللي يهمني إني أخلص منهم وكل الصفقات اللي عملناها متسجله كدا... أنا حاطه الكاميرات دي في مصباح عربيات بابا وفارس وعربيتي كمان... كنت مستنيه اليوم والوقت المناسب علشان أخلص منهم

عبد الله : طيب إطلعي برا إستنينا

خرجت فاريهان تنتظر وبعد قليل خرجوا جميعاً

أحمد : إحنا موافقين بس لو كل دا كان كمين فإحنا هنسجنك إنتي وأبوكي وأخوكي بالأدله اللي جوه دي

فاريهان : جرى إيه يا عم أحمد م إنت لسه كنت بتقول عني ذكية ... وهو أنا لو ذكية فعلاً هضحك عليكوا ليه وأجيبلكم أدله عني وعن أهلي

أحمد بإبتسامة : حلو أتمنى إنك تكوني ذكية كدا

ذهب فادي إليها وأمسكها من يدها وسحبها خلفه إلى غرفة التدريب وذهب أحمد وجاسم خلفهم

فاريهان : ف ف فادي أنا أسفة والله

نظر لها نظره أخرستها

فادي بعد أن وقفوا : وريني قدراتك

فاريهان : طيب إسمعني

فادي بصراخ : مش عايز أعيد كلامي

فاريهان بخوف : طيب حاضر أنا متعلمه كل الفنون القتالية زي الكارتيه والمبارزة والتايكوندو والكونغ فو وكدا يعني وبعرف أصيب الهدف من مسافة كبيرة جدا

فادي : وريني

فاريهان : ها أوريك إيه بالظبط

فادي : عايزك تض*بيني

فاريهان : مش هيحصل

فادي بغضب : فاريهااااان

فاريهان بغضب : قولت مش هيحصل... إنشاء الله تقتلني مش هعمل كدا

فادي بغضب وهو يضغط على يدها ويشدها إليه ويض*بها قلم أمام الجميع

إحمرت وجنتي فاريهان بغضب

فاريهان بدموع : إنته إيه مبتحسش قولت مش هض*بك

إتجه أحمد إليه وأبعدها عنه وأمسكها جاسم فقامت بإحتضانه وظلت تبكي مما جعل فادي يغضب منها أكثر وسحبها إلى أحضانه

فادي : مسمحلكيش إنك تبكي في حضن حد غيري فاهمه

فاريهان وهى تهز رأسها بنعم في حضنه : بس إنت جرحتني يا فادي

فادي : أنا لسه مش سامحتك ولا قادر أثق فيكي بس مش قادر محبكيش

فاريهان وهى تبتعد عنه : وأنا مستعدة لكل حاجة إنت عايزها

فادي : طيب يلا حاولي تض*بيني

فاريهان : فادي إنت ليه مش عايز تفهمني أنا مستعدة أءذي أي حد ولا إني أءذيك إنت

فادي : طيب.... محمود تعالى هنا

بقلمي :أميرة الظلام (مروه كمال محمد)