عشقتك يا ملكتي

الفصل 21

أيهم لسندس : أنا مش فاهم إنتي عرفتي كل دا من فين

سندس : ليه هو أنا هبله وبصدق أي حاجة زيكم ده غير إني دخلت كل أوضه في البيت ده وفضولي كان يقتلني علشان أدخل الأوضه اللي محدش دخلها أبدًا ولما قدرت ألاقي المفتاح دخلتها لما كلوا نام شفت صور فاريهان وكل ذكرياتها ده غير المذكرات اللي قرأتها ... إنتي حقيقي أعظم ست في الدنيا أنا عايزة أكون زيك ومش عارفة إنتي إزاي إستحملتي كل ده

فاريهان بإبتسامة حزينة : إنتي تعرفي أكتر مما توقعت بس أنا مش عايزاكي تكوني شبهي مش عايزاكي تمري باللي مريت بيه

سندس : قصدك لما بباكي قتل مامتك ومراته التانية قدامك ولا إيه

أوزجي وليان وسيماء بصدمة : إيه!!!!!؟؟

فاريهان وهى تغمض عيونها بوجع : ليه كدا يا سندس مكنش المفروض يعرفوا ... مكنش المفروض حد يعرف منكم

سيماء بغضب : يعني بابا هو اللي قتل مامتي ومامتك

فاريهان بدموع : أيوة يا سيماء قتلهم قدام عنيا ولما عرف إن كنت واقفة ولا فرق معاه ولا جيه طمني .... وكان هيقولكم لما تكبروا عادي بس أنا اللي منعته محبتش إنكم تكرهوه

أوزجي بصراخ : إنتي غ*ية أنا بكرهه من اليوم اللي شغلك فيه في الإجرام

سندس : قصدك الم**رات

فاريهان بغضب شديد : سندس إطلعي على أوضتك إنتي وكل الأطفال

أيهم : مش عايز أطلع عايز أفهم ... يعني إيه إنتي مجرمة!!؟

فاريهان بنظرات قاتلة : ياريت تفهميهم يا سندس إني مش بعيد كلامي

سندس : دي لما بتتعصب بتقتل بكل هدوء نصيحة مني متجربش عصبيتها

صعد الجميع إلى غرفة تامر الذي كاد ينزل بسبب الصوت العالي

أيهم : على فكرة أنا مش خايف منها دي مجرد واحدة ست يعني بحركة مني أ**ر إيديها ورجليها

تامر : مين دي

سندس ببرود وبتريقة على أيهم وهى تخرج هاتفها وتفتح فيديو لفاريهان وهى تض*ب مجموعة رجال : أها واحدة ست ... دي أقوى من فادي نفسه يا روح أمك

أيهم : بت هقصلك ل**نك دا

رفيف بتفكير : سندس إشرحيلي إمته بابي حبها وإتعرفوا على بعض إزاي

تامر بنرفزة : يوووه أنا نازل أشوف مين دي إنتوا هتجننوني

سندس : أعتقد دي حماتك المستقبلية

تامر : أفندم

سندس : مش حبيبتك إسمها نيلوفر وأمها فاريهان

تامر بإستغراب : أيوة بس عرفتي من فين أنا مقولتش لحد إسم أمها

سندس بسخرية : أنا قرأت في مذكراتها إنها إتفقت مع فادي لو جابوا بنت الأول هيسموها نيلوفر ولو ولد هيسموه تامر وشوف سبحان الله كل واحد سمى إسم من اللي أتفقوا عليه لعيالهم

إتصل تامر بغضب بنيلوفر : فينك

نيلوفر : في البيت يا حبيبي مال صوتك

تامر : عايزك تعرفي إني هندم أمك على اليوم اللي حبت فيه أبويا

نيلوفر بغضب : أمي مش بتحب حد غير بابي بطب غباء وفهمني إيه اللي حصل

تامر : أه علشان كدا أمك تحت عندنا... ورحمة جدتي ثريا الله يرحمها لأنا مندمها على اليوم اللي إتخلقت فيه

نيلوفر بغضب : أعلى ما في خيلك إركبه ... أنا أمي أقوى ست في مصر وفي العالم كله ومحدش يقدر يلمس شعره منها

أغلقت الخط معه ونظر تامر لسندس بمعنى أريد أن أعرف كل شيء عن تلك المرأة التي بالأسفل

بعد قليل نزل تامر لأسفل

تامر بصراخ : إطلعي برا بيتي يا قليلة التربية يا سافلة يا ***

نهى بغضب : تاااامر إحترم نفسك

فاريهان بإبتسامة إستفزاز : I'm so sorry إنت قولت دا بيت مين معلش

تامر : بيتي!!!

فاريهان : بص يا روح أمك أنا مش زي إخواتي أنا تربية مجرمين يعني هتشتمني هشتمك ، هتقل أدبك هقل أدبي ، وبمناسبة البيت اللي بتكلم عنه دا... فدا بيتي أنا ومتسجل بإسمي أنا وبس يعني متقدرش تطردني من بيتي إلا لما أنا أحب أخرج

سكت تامر بصدمة وقاطع **تهم رنين هاتف فاريهان

فاريهان : أيوة يا علي

علي : أنا قدرت أعرف إسم الشخص اللي بنت حضرتك بتمشي معاه

فاريهان : طيب مستني إيه ...قول

علي : تامر فادي.. وعمره 18 سنة ومقدم على كلية طب... وجيبتلك ملف كامل عنه لو تحبي تشوفيه

فاريهان : مفيش داعي

أغلقت هاتفها بصدمة وبعد أن خرجت منها أمسكت تامر من تيشرته

فاريهان بغضب : هو أبوك علمك تمشي مع بنات الناس من ورا أهلهم

تامر بإبتسامة خبث : والله أنا حر أحب اللي أحبه وأمشي مع اللي تعجبني

تركته فاريهان بغضب وإتجهت لتخرج ولكنها توقفت عند الباب

فاريهان بهدوء قاتل : لو بنتي إتأذت شعره واحده منها هقتلك يا تامر ومش هيفرق معايا لا شرطة ولا أهلك

لم يجيبها تامر وخرجت من المنزل تشتعل غضبًا

***********

" في فيلا فاريهان "

فاريهان لأولادها : يلا بما إن كلو جهز ولبس والشنط إتحطت في العربية خلينا نتحرك

مراد : أنا نفسي أفهم إحنا رايحين فين طيب

فاريهان : هتشوف لما نوصل

" أولاد فاريهان "

مراد : عمره 17 سنة يشبه والده كثيرًا ولكنه يملك هدوء وحكمة والدته وجدته وطيب القلب ولكنه عصبي بشدة مثل والده ويملك عيون زرقاء مثل خالته وشعر بني فاتح وجسد رياضي برغم سنة الصغير يجذب كل الفتيات الذين يروه

نيلوفر : عمرها 15 سنة تشبه والدتها في الشكل ولكنها مثل سيماء في الكثير من الصفات ولا تسمح لأحد بالمساس بكبريئها

يزيد : عمره 11 سنة يشبه والده في كل شيء عدا الصفات فهو طيب وبشدة مثل والدته ويحب الجميع ويتقبل الشخص السيء بهدوء مثلها ويملك عيون بني فاتح وشعر بنفس اللون

_____________

وصلوا إلى منزل عائلتها ونزلوا جميعًا ينظرون حولهم بإستغراب عدا فاريهان ودخلوا إلى المنزل خلف والدتهم

نهى بإبتسامة حب : نورتوا بيتكم يا عيال

مراد بإبتسامة شكر : البيت منور بأهله بس هو إنتوا مين

أوزجي وهى تسلم عليهم واحدًا واحدًا والجميع فعل مثلها : أنا أوزجي خالتكم

ليان بمرح : وأنا ليان خالتكم التانية

سيماء : سيماء خالتكم التالته بس بلاش تقولولي خالتو قولولي يا سو أو سيماء عادي

قامت فاريهان بتعريفهم على الجميع وجلسوا معًا

وأثناء حديث التعارف نزل الأطفال دفعة واحدة معًا وبمجرد أن رأت نيلوفر تامر وصدمت ... ولجمت الصدمة ل**نها

تامر بسخرية : إيه دا إيه دا هو البشوات وصلوا

يزيد وهو يضيق عينيه : المعنى

فاريهان بتحذير : تامر بلاش بلاش بلاش عيالي فاهم ولا تحب تفهم بطريقة تانية

تامر بسخرية : والله لو خايفة عليهم مكنتيش جيبتيهم هنا

فاريهان بثقة : والله أنا مدربة عيالي على الفنون القتالية يعني يقدروا يدافعوا عن نفسهم بس ياترا إنت هتستحمل ض*بهم دا

نظر لها بغيظ فهو لا يملك ردًا على كلامها

نيلوفر : مامي لو سمحتي ممكن أفهم إيه اللي بيحصل هنا وتامر بيعمل إيه هنا

فاريهان : لحد ما أرجع من سيناء هتفضلوا هنا ومش هتختلطي بتامر فاهمه ولا لا

هزت نيلوفر رأسها بنعم وسكتت

يزيد : بس دي مش أول مرة تسافري في مهمة وتسيبينا وحدنا ليه المرة دي هنقعد هنا

فاريهان : علشان المهمة دي هتطول وإحتمال تقعد شهر بس أنا هحاول أخلصها بسرعة متقلقوش

فاريهان في نفسها : أو بمعنى أصح مش حاسة إني هرجع عايشة المرة دي

.........

وصلت فاريهان إلى سيناء وبعد إسبوع من وجودها هناك لم تحدث أي هجمات وكأنهم يعرفون بتواجدها معهم

وفي أحد الأيام حدث هجوم غير متوقع ولم تكون قوات الجيش مستعدة له

فاريهان بصراخ ليسمع صوتها من بين ض*ب النار : فتحييي خد كل الظباط وإتحركوا روحوا جيبوا إمدادات وإفضلوا في حته آمنة لحد ما يوصلوا و أنا وفادي هنحمي ضهركم يلا بسرعة مفيش وقت

فتحي : بس

فاريهان بغضب : إنجز مش عارفة أركز في التصويب وأنا بكلمك

بعد ذهابهم جميعًا ولم يتبقى غير فاريهان وفادي

فادي : عددهم يعدي الخمسين مش هنقدر نستحمل كتير قدامهم

فاريهان : عارفة بس لازم كنت أقولهم كدا علشان يمشوا مكنش ينفع أسيبهم يخاطروا بحياتهم

أمسك فادي يدها بحب

فادي بإبتسامة : هنعيش مع بعض ونموت مع بعض

فاريهان بإبتسامة حب : هنعيش مع بعض ونموت مع بعض

كان فادي يصوب بيده اليمين وفاريهان باليسار فهى معتادة على اليدين ويداهم الأخرتين ممسكة ببعض.... تلقى فادي رصاصة في كتفه ولكنه لم يتحرك وتلقى أخرى في قدمه أما فاريهان فتلقت رصاصة في ص*رها بالقرب من القلب ولكنها لم تتحرك وظلت تصوب هى وفادي وألقت قنبله يدوية فجرت أغلبهم ولم يسقطوا إلا بعدما قتلوا أخر واحد فيهم

عاد الجنود مع الإمدادات ولكنهم وجدوا الجميع ميت عدا فاريهان وفادي وقاموا بنقلهم للمستشفى

في اليوم التالي دخل جاسم منزل عائلة فاريهان مخفضًا رأسه

نهى بفرحة : نورت يا جاسم في أخبار عنهم أنا مقدرتش أكلم حد منهم إمبارح خالص

جاسم بدموع : البقاء لله

كانت أوزجي تخرج من المطبخ وبيدها صنية عليها كاسات عصير وبمجرد أن سمعت تلك الجملة أسقطتها في الأرض

أوزجي بضحكة جنون : هههههه بتهزر صح قول إنك بتهزر خلاص ضحكنا أهو قولي بقى فين فاريهان وفادي

إتجه إياس لها وإحتضنها مواساة لنفسه ولها

نزلت نيلوفر التي كانت تجلس بالأعلى وحدها وبمجرد أن رأت جاسم صرخت وركضت نحوه وإحتضنته

نيلوفر : إزيك يا أنكل جاسم وحشتني موت

لم يتكلم ونظرت لدموعه و**ت الجميع ودموعهم التي تنزل كالسيل

نيلوفر : مالكم بتعيطوا ليه

إتجه تامر لها وحضنها وهو يبكي ولا يعرف أيواسيها أم يواسي نفسه

نيلوفر : هو فيه إيه مالك يا تامر بص أنا أسفة إني طلعت عينك في الإسبوع دا بس متعيطش مش هلبس ضيق وقصير تاني ولا هخرج مع ولاد غريبة بس بطل عياط وقولي همن ليه بيعيطوا

مراد بجمود وبدون أن ينزل دمعه واحدة : ماما وفادي ماتوا

نيلوفر بضحك : هههه على فكرة أنا قولتلك كتير دمك تقيل ومتهزرش معايا

مراد بعيون محمرة بلون الدم وعروقه بارزة : ماما ماتت فين الهزار في دا بطلي غباء بقى

سقطت مغشيًا عليها من الصدمة وحملها تامر بسرعة ونظر لمراد بنظرات قاتلة

تامر : لو حصلها حاجة بسببك هقتلك حد يقول لحد كدا إن أمه ماتت

__________________

بعد مرور عام كامل في إحدى جزر البحر المتوسط تقف سيدة جميلة تسمى سيدرا تملك عيون سوداء كالليل وشعر بنفس اللون والطول وترفع كأسها عاليًا : نخب موت توركان

جميع تجار الم**رات والأسلحه : نخب موت توركان

أحد الأشخاص : ونخب ظهور تاجرة م**رات جديدة وبقيت أكبر من توركان نفسها

ضحكت سيدرا بخفه

إتجه رجل ناحية تلك السيدة ووقف أمامها بعيون متسعة

الرجل : فاريهان!!!!!

فاريهان بإبتسامة سخرية : أمير باشا اللي بوظتله صفقته يوم أول مرة نتقابل

أمير وهو يضحك بسخرية : بتشربي نخب موتك

فاريهان : أنا قررت أرجع للم**رات إنت مالك أنا بشرب نخب موت توركان الظابطة

أمير : جايز

دخلت فاريهان غرفتها بعد رحيل الجميع

وقبلت زوجها من خده وجلست أمامه

فادي بسخرية : مش مصدق إن كل الناس مفكرانا موتنا

فاريهان : كلوا معادا أمير اللي شافني بره

فادي : مين أمير دا

فاريهان : فاكر الراجل اللي بوظتله صفقته مع شادي وخليته يمشي في الصحراء وحده ومن غير حاجة

فادي : طب هنعمل إيه دا ممكن يقول للكل عنك

فاريهان : مش من مصلحته حاجة زي كدا متقلقش

فادي : طيب يا ستي هنشوف وبعدين أنا مش مصدق إني بقيت تاجر م**رات زيك ومش عارفة إزاي اقنعتيني بكدا أصلا

فاريهان بثقة : أنا فاريهان يا بابا مش أي حد

فادي : تعرفي إني بعشق حمزة

فاريهان بضحك : علشان مصلحتك اللي عملهالك من 6 سنين يا مصلحجي

فادي : لسه عند وعدي ليكي ونفذته وإنتي عارفة

فاريهان بحب : هنعيش مع بعض

فادي : ونموت مع بعض....

بقلمي : أميرة الظلام ( مروه كمال محمد)