من انتي لتملكيني

Part 2

من كالتله هيج سحب الكلن** قوي من ايده وگف گدام المرايه يمسح حلگه. وهو يسب ويلعن هيه الضحكه. كوه حابسته على شكله وشلون صار عصبي اصلا ولا مره شأفته وهو هادئ بهل اثناء دخلت اخته وكالت

- أسفه حبايب گلبي قاطعتكم بس ابو الاسود يصيحونك برى وطولت هنانه

- ماشي يله جاي

- لا وين اوگف

- شكو مو گلتي يردوك

- اي يردوك بس بالأول خلي ناخذ كم صوره

طبعًا مجان يكدر يرفض رغم اخر همه يأخذ صوره وياها ماقبل اخته تاخذ بتليفونهه صور انطاها تليفونه

اخته عباله يريد تبقه الصور عنده أما ذهب كالت بداخله (( حتى باختك متوثق))

في حين هو جان الي براسه شي ثاني

من طلعوا اخته غمزت لذهب بمعنى شبيه شفتج شمسوين

مرت الأيام أسيد التحق للدوام وذهب كاعده بالبيت

صار الهم شهر من خطبو طبعًا أسيد ما وصل بيت ذهب ولا ذهب حاجته مع العلم تتواصل ويه اخته والي صارت صديقته تقريبا عرفت أسيد. عنه اخين واخت واحد مزوج وعايش بغداد وياهم و واحد. عايش بألمانيا. وابوه متوفي وعنده بس امه وراها اقترب موعد الامتحانات وبقه يومين لموعد الامتحان وامه واحمد اخوهه شادين اله تمتحن دون تفكير اخذت تليفون امه وتصلت بأسيد وره فتره رد وكال

- الو

- الو أسيد

- منو وياي

- أني ذهب

- هلو ذهب خير شكوً

- أسيد فدوه ساعدني

- خير شكو شبيج

- اهلي يردون يجبروني امتحن

-شوفي ذهب هسه أني بالدوام يعني ماكدر اجي اشوفج

- لعد شسوي

- كولشي مسوين وترحين للامتحان ولاكانه شي صار

- أسيد شتحجي انته شكو لعد قبلت بيك وسويت كل هل مسيرحيه .....

- انتي شوكت تنجبين وتخليني اكمل

- كمل بله كمل

- ترحين وتنطين الدفتر فارغ ووقت النتائج انتي تكونين. بلبنان عدج شهر عسل

- ماشي يله باي

-هذا رقمج

- لا رقم امي

- ليش وين تليفونج

- بإحدى عركاتي ويه احمد فلشه

- ليش شلكه بي وفلشه

- اكول اسيد باي

- ماشي باي عود من اجي اجيبلچ واحد وياي

- لا شكرا وصيت حيجيبولي

- وصيتيمن

- اخويه محمد صديقه عده مكتب مبايلات فحيجيبلي واحد

- اوكي عود انطيني رقمه

- منو محمد

- اووف يربي شكد ثوله اريد رقمج

- اوك

مرت الأيام و سوت ذهب مثل ماكالله اسيد. اهل اسيد چانو يردون يسون حفله مهر وتلبيس حلقات وهل أمور بس ذهب كالت أني ماطلبت مهر

بس ام اسيد اصرت اله حفله وبقاعه وهل أمور كون ابنه سياده النقيب وصورته كدام العالم

وكالت راح اسوي هل حفله هديه للعرسان

بليل جانت ذهب نايمه

بس اكو احد عجبه يتصل بهل وقت ٢:٣٠ بليل ردت بعد ثالث اتصال دون مشوف منو المتصل وهبه مغمضه كال

- هلو حبي

- ممممممم

- نايمه وعايفتني كل يوم نسهر سوى

- ...........

- ذهب ... ذهب صحصحي

- هااااا

- وينج ليش متردين

- هاااا منو

- حبيبج

هنانه ذهب صحصحت وباوعت رقم بدون اسم فردت باستغراب

- انته منو وحبيبي منو

- شبسرعه نسيتي شنو هذا النقيب هيج مآثر. عليج

- احترم نفسك لك منو انته ومنين تعرفني

- لألا الضاهر صدكً هل نقيب الخبل مآثر هوايه

- يسوه رأسك النقيب يا بله أخلاق. واحد متستحي

كالت هيج وحضرت الرقم ورجعت نامت أما الشخص الي اتصل بيه باوع عل بصفه وكله

- لو هيه صدكً نضيفه وماعده ماضي وحضرتك ههههههههه مآثر عليه حتى انطتني بلوك

- لو شنو علي

- لو هيه أستاذ بهل أمور

- ماعرف بعد بس خلي تجي يمي والله كريم.

- صدكً هيه شكله شلونه

- مامنتبه عليه

- تحجي صدكً. اسيد تششاقه

- شبيك والله مامنتبه صار كلشي بسرعه

اسيد سيد الشك بسبب علاقاته الي عاشه وقرر يتحره عنه من خلال صديق عمره النقيب علي

طبعًا ذهب رزلته وانطته بلوك

ضل طول اليل يفكر بيه بعدين اذكر موضوع الصور الي اخذهن ويه ذهب ورانيه اخته بالعقد

الفضول قتله حتى يتمعن بمعانيه جان يكبر ويصغر بالصور يقرب ويبعد

بياضه ساطع شعرهه الي لونه اسود بشكل غريب وبي لمعه

شفايفه مليانه

عيونه نرجسيه نضرتهن غريبه

بعدين انتبه الجسمه جانت لابسه فستان ابيض قصير كلش وضيك مابي حمالات فوكً الركبة وعليه تول طويل وردان كامله

جسمه مغري بشكل ص*ر وخصر ومنحنيات

اخر شي سد التليفون ونام

مستحيل يحب مره مستحيل يثق بوحده مستحيل يأمن بوحده

وهاي ذهب بالذات اكيد وراها شي وعده شي مصيبه والدراسة مجرد عذر

أما ذهب مثل اي ابنيه حبت تطلع وتشتري فستان لحفله المهر حتى لو جان هل زواجً مسرحيه بس حبت تسوي هل أمور ومتخلي شي بنفسه بس اسيد رفض تطلع كونه هو بالدوام

مقبل لا ويه اهله ولا ويه اهله هيه سكتت ماكالت شي

بس طلبت من اخته يلبس قاط زيتوني والقميص ابيض سوته وحده بوحده مثل ماهو مقبل تطلع هي هم حصرته بالزاويه ومو هيه الي كالتله حتىً يرفض لا كالت لأخته حتى ينجبر يلبس الي تريده هيه

أما هوً فتهم شنو قصدهه من هل حركه بس ماكدر يحجي شي

بيوم الحفله هيه كانت بأحد غرف القاعة الي موجودات حتى تكمل تجهيز نفسه هيه ورانيه اخته هو جان كاعد عل كوشه على أعصابه.

طبعًا هو مقبل يدخل اي رجال وحجز قاعه بيه قسمين نزلت هيه لابسه فستان

من كدام قصير كولش ومن وره مثل البدله منفوش ضهر مابيه ومن كدام مبين نص ص*ره الي صدمه طول شعرهه الي ضافرته هندي واصل لركبته لون الفستان من لون بدلته زيتوني

كعدت بصفه حتى دون سلام

طبعًا هو مجان يكدر يصيطر على عيونه

رغم ماعجبه الوضع وجاي جباري

بعد ما طلبوا منهم يركصون وخلصو أنطته امه عليه ذهب بيه طقم علىً شكل سلاسل نهايه نجوم وكالت هاي هديتي للعروس

جان يلبس بيه وعطرهه صطره

وعيونه الي ستقرت عله ص*ره وشفايفه طلعت روحه وكره نفسه لان يحس بهل رغبه اتجاهه وانو هيه تاثر عليه

بعد كل هذي الحفله بأسبوع. قررو يسون العرس

امه دزت غراض للعروس بيده اخذهن وراح دك الباب طلعت بنيه شابه وحيل تشبه ذهب كال

- مرحبا

- أهلا اسيد اتفضل

- ذهب هنانه

- اي اكيد هيه بغرفته

- ماشي صحيلي أيها

- اسيد انته مو غريب صرت واحد منه واني كلي مي داغسل بالكراچ فوات انته اصلا محد بالبيت. وانته تندل غرفته

-ماشي ..... انتي نرجس مو

- اي أني نرجس

صعد اسيد لغرفه ذهب فتح الباب ودخل دون أستاذان. وفتح الضوه ضل صافن عليه بعدين مسح كصته وفتح دكم قميصه الفوك سحب الغطه غطاها وكعد عل كرسي وكال

- ذهب ...، ذهب

- اممممممم

- اكعدي

- بس اشويه والله نعسانه

- لچ اكعدي ورايه رجعه

- اسييد

- شبيج مخترعه

- لا مو مخترعه بس مستغربه

-ترى عرسنه بعد اسبوع

- شسويله

- شسويله لج بابا انتي تردين تفضحينه لو شنو

قبل مترد عليه دك تليفونه فتحت خط وكالت

- هلو حياتي