ISANG mahabang buntong-hininga ang pinakawalan ni Aya nang nasa loob na siya ng taxi. Tinapunan niya ng sandaling tingin ang kainan bago nagsalita sa driver ng sasakyan.
“Manong tara na ho.” Aniya.
Sumunod ang taxi driver at umusad ang sasakyan.
Saka lang siya nakahinga ng maayos ng umaandar na sila. Ang totoo ay kinakabahan siya sa gagawin. Alam niyang digital ang karma sa mga panahong ito. At hindi niya alam kung anong klaseng karma ang ibibigay sa kanya kapag nagawa na niya ang plano.
Magtataksil siya kay Don Martin dahil gagawin niyang kabit ang sarili kay Christian. Dahil doon ay maaring masira ang pamilya nito. Pamilyang dapat ay hindi niya idinadamay. Pero wala na siyang magagawa roon. Nakakabit na sila kay Christian.
Oo alam din ng asawa niya ang tungkol sa gagawin niyang pag
