NANG sumunod na araw ay hindi na muna sumama si Aya kay Elijah sa opisina. Hindi pa siya masyadong nakakarecover sa mga nangyari kahapon pero ipinangako niya rito na babalik pa rin siya roon. Sa pagkakataong iyon ay susubukan na niyang kunin ang loob ng mga tao roon. Kaya mag-isa nalang itong pumasok habang siya ay nanatili sa mansiyon. Wala siyang planong lumabas o mamasyal. Gusto lang niyang manatili at tumulong sa mga gawain.
Naging ugali na niya ang tumulong lalo na sa kusina kapag magluluto na ang kusinera nila. Palagi siyang sinasabihan ni Manang Loring at Aling Cora na hindi na dapat siya tumutulong pero mapilit siya. Isa pa, gusto niyang pinapanood ang mga nagluluto. Kapag wala naman siyang magawa ay tumutulong din siya sa kanilang hardinero sa kanilang hardin. Nakahanap na ito n
