Natatawa ako habang tinitignan ang nanlalaking mata ni Zach sa tabi ko. Napatigil siya sa pagnguya ng pagkain na nasa bibig niya at napatulala sa akin, namalayan ko nalang ang sarili kong alu-alo na ang kanyang likod at pinapainom na siya ng tubig. Nang makarecover naman siya ay agad niya akong tinanong.
Seryoso ang mukha niyang nilapit sa mukha ko. "A-ano?"
Medyo lumayo naman ako ng kaunti at natatawang kinurot ang matangos na ilong niya. "Sabi ko sinasagot na ki---" Hindi ko pa man natatapos ang sinasabi ko ay yakap-yakap na niya ako, at maya-maya lamang ay para na siyang tangang nagsusumigaw. "Yes! Yes!" Sigaw niya habang papikit-pikit pa at parang may dinadama pa, napairap naman ako at hinawakan ang laylayan ng damit niya, pinagtitinginan na kasi siya ng tao.
"Hoy, Umupo ka na, para
