"Ganyan ka ba talagang bwisit ka? Wala kayang preno 'yang bibig mo!" Singhal ko dito habang kumakain kaming dalawa. Nakita ko naman ang pagtungo niya at pagkamot niya sa batok niya. "Hindi na ako natutuwa diyan sa mga lumalabas diyan sa bibig mo." Pahabol na sabi ko pa. Wala naman siyang naging imik at maingat na ipinagpatuloy ang pagkakain.
Sus, kunwari pang matapang sa una eh suko nga siya ngayon sa akin. "Totoo naman kasi sinasabi ko.." parang batang sabi nito pagkatapos uminom ng tubig kaya kunot noo ko siyang tinignan.
"Sabi kaya ng mga tambay sa labas ang hot mo daw.." mahinang sabi nito sabay subo ng pagkain niya, mas lalo namang napakunot ang noo ko. "Ayoko lang na ganon sila sa'yo, nalilibugan sila sa'yo alam ko.." Sabi pa nito at nagulat pa talaga ako sa sinabi ng lokong ito.
