"Sinong eye donor ko?" galit na bungad ni Maggy ng basta na lang pumasok sa silid ng mga magulang na matutulog na sana ng biglang bumalandra ang pinto.
"Sagutin n'yo po please." paiyak ng tanong ni Maggy.
"Hindi namin alam and highly confidential ang ______."
"Walang confidential sa inyo Dad, alam kong inalam n'yo yun. Kilala ko kayo?" hindi nakaimik si Railey na napatingin kay Megan ng lingunin siya ng asawa.
"So, tama ba ang hinala ko?"
"Wala kaming alam, hindi talaga namin alam ng una. Tapos na ang operation mo ng alamin ng Papa mo." wika naman ni Megan.
"My God!' nanghihina na napa-upo sa sahig si Maggy habang naka hawak sa doorknob ng pinto. Gusto niyang umiyak pero hindi niya magawa basta nasakit lang ang puso niya sa kaalaman. Galing siya sa clinic kanina ni Travis kasama si
