Habang nakatayo sa harap ng pintuan ng opisina ni Louie ay pilit na inaayos ni Elyssa ang suot na damit kahit wala naman iyong gusot. Dahil hindi na siya nakapag-retouch ay pinunasan na lang niya ng dalang panyo ang pawis na namumuo at ang natuyong luha dulot ng drama niya kanina-kanina. Mabilis ang t***k ng kanyang puso habang may naka-plaster na ngiti sa kanyang labi.
Tumikhim muna siya at nag-ipon ng lakas ng loob bago kumatok.
“Come in!”
Matapos marinig ang sagot mula sa loob ay tuluyang pumasok sa loob si Elyssa. Mabilis pa rin ang t***k ng puso niya dahil silang dalawa na naman ni Louie ang magkasama.
Nang makapasok ay tumigil siya sa sofa pero hindi umupo. Lalong sumikdo nang malakas ang dibdib niya nang makitang nakapamulsa si Louie at nakasandal sa pader habang may kausap sa c
