Mabilis pa sa alas-kuwatrong naitapon ni Elyssa ang yakap na unan sa sahig nang marinig ang nang-aasar na boses ni Louie. Pero huli na ang lahat at nakita na siya ng binata. Hindi napansin ni Elyssa pero malakas pala ang pagkakasabi niya kanina at marahil ay narinig ang kanyang huling sinabi. Dahil malawak ang ngiti nito habang naglalakad papalapit sa kanya.
"Well, nabitin ka pa ba kagabi?" pilyo ang ngiting tudyo nito. Umupo ito sa kama. "Ako, oo!" Kinindatan siya nito na para bang inaakit siya.
"Tse! Ano’ng pinagsasabi mong nabitin? Nanggaling na mismo sa bibig mo na walang nangyari sa atin. Stop imagining things!” Tumayo siya mula sa pagkakahilata sa kama upang lumayo rito. “Puwede ba, tama na ang pagpapa-cute! ‘Di ka cute!" May pait pa rin sa boses niya dahil hindi pa rin nawawala an
