"Ngayong gabi pag-uusapan ang kanilang kasal!" Ito ang mga salitang parang sirang plakang paulit-ulit na sumisigaw sa utak ni Elyssa magmula nang marinig niya ito kay Minho. Pinilit niya ang sariling matulog ngunit pabiling-biling lang siya sa higaan at hindi pa rin dinadalaw ng antok. Niyakap niya ang stuffed toy na nasa kanya na magmula noong bata pa siya at pinangalanan niya iyong Xiaoxiao, ibig sabihin ay maliit, pero sa kabaligtaran ay malaking teddy bear iyon.
Pinakuha niya ito kay Marra noong umuwi ito ng Antique.
"Haist! Xiaoxiao, bakit kay Louie pa ako na-inlove? Bakit sa kanya pa samantalang may iba na siya at wala na akong pag-asa? Paano na ang puso ko, Xiaoxiao?" Tumihaya siya at tumitig sa kisame pero nakangiting mukha ni Louie ang bumungad sa kanya.
Mag-isa lang siya sa ti
