Kinabukasan kahit day-off ay pumasok nga si Elyssa sa trabaho para tapusin ang report na pinapagawa sa kanya ni Louie. Alam niyang tama ang ginawa niya pero ayaw niyang makipagtalo sa kanyang boss na may topak. Nasa factory na siya at hindi niya alintana ang mga tsismis tungkol sa kanya ng mga kasamahan nina tungkol sa nangyari kahapon. Inabala niya ang sarili sa pagagawa ng report upang makalimutan ang nangyaring insidente at para na rin hindi mapansin ang nakakabagot na oras.
Kung bakit kasi pinapaulit pa ng topakin na ‘yon? Himutok ng dalaga. Hindi niya alam kung gaano katagal na siyang subsob sa trabaho at hindi niya pansin ang oras.
Biglang napatayo si Elyssa mula sa pagkakaupo sa sahig nang marinig na pina-page ang pangalan niya. Alas-dose na pala? Tahimik na bulong niya nang mapas
