Third Person's POV
Isang buwan na ang nakalipas mula ng umalis si Stacey sa bahay ni Calvin, noong una ay napakahirap para sa kanya ang mag-adjust, halos dalawang taon din silang magkasama ni Calvin sa iisang bahay, maraming gabing hindi siya makatulog at lagi nalang umiiyak. Pakiramdam niya ay mag-isa na lang siya sa mundo. Ang araw-araw na pagpasok na lang sa Antipasti ang kanyang naging libangan. Trabaho-bahay, bahay-trabaho, ganito lang palagi ang kaniyang daily routine.
Pinipilit niyang gawing normal ang kaniyang buhay kahit pa pakiramdam niya ay may kulang at hindi buo ang kaniyang pagkatao.
"Ma'am, wala pa po ba kayong balak umuwi?" tanong kay Stacey ng kaniyang supervisor na si Diane. Alas diyes na ng gabi noon at nagsipag uwian na ang lahat ng mga empleyado maliban sa kanilang
