Busy pa rin ang lahat habang nasa terrace, umiinom at nagkukwentuhan habang nag-i-stargazing. Inaantok na ako at hilong-hilo na dahil sa alak. Pakiramdam ko ay umiikot ang mundo kahit nakahiga naman ako sa kandungan ni Sienna. Si Mauve ay bagsak na sa alak at ganoon din ang karamihan.
“Guys, aren’t you going to sleep yet?” tanong ni Nathalia, pulang-pula ang mukha dahil sa kalasingan.
“Inaantok na ako!” sabi ng iba at nagkasundo nang magsipagpahinga dahil halos mag-a-alas kwatro na ng madaling araw at wala pa kaming tulog.
“Mauve, gising.” Tinapik ko si Mauve na ngayon ay bagsak na bagsak na habang may hawak pang bote sa kaniyang kamay. Nag-angat siya ng tingin sa paligid. “Matulog na tayo.”
“Kita mong natutulog na nga, eh,” lasing na reklamo niya sa akin. Parang gusto ko na lang t
