Hindi pa rin nabubura sa isip ni Marian ang engkwentro sa gubat kahapon. Kanina ay nakalabas na ng hospital si Pia at nakasabay na sa kanila sa pananghalian. Ang mga anak naman ni Don Ismael na sina Tray at Drax maski si Louis ay pare-parehong missing-in-action. Ni hindi pa niya naitatanong sa mga ito kung sino iyong lalaking namaril sa kanila sa gubat. Iniisip lamang na baka isa ito sa mga kalaban ng mafia ng mga Henderson.
"Parang ang lalim ng iniisip mo riyan, Marian?" bati sa kanya ni Catherine. Naupo ito sa katapat niyang upuan at nasa terasa sila ngayon.
"Naiisip ko lang iyong nangyari kahapon," sagot niya.
Kumunot naman ang noo niya nang lumapad ang ngiti nito. May nakakatawa ba sa sagot niya?
"Iniisip mo iyong first kiss n'yo ni Kuya? For sure iniisip niya rin 'yon," kinikilig
