Lumugay ang takas na buhok ni Dami nang umuhip ang malakas na hangin. Rinig na rinig ang bawat busina at pagtakbo ng sasakyan mula sa ibaba ng rooftop ng isang mataas na gusali. Seryosong nagtitigan sina Dami at Marco habang nakatingin lamang ang grupo ni Marco sa kanilang dalawa. Si Shin nama'y nasa likurang bahagi ni Dami.
Mula sa hindi kalayuan nama'y naglalaro ng bato si Rhinega habang nakapalumbabang sikretong nanonood sa gaganaping pagtutunggali.
Humakbang paatras si Shin at initas ang kamay. Siya ang magsisilbing referee.
"Masyado kang matapang Dami. Babae ka lang at ordinaryong tao, hindi mo ako kaya." Ani Marco at ngumisi.
Hindi kumibo si Dami. "Tumakbo na tayo, Dami. Hindi natin kaya ang mga metahumans." Bulong ni Shin, bahagyang kinakabahan.
Lumingon si Dami sa kanya at
