Alex :
Hindi niya sinubukan na humingi ng tawad kay Rodrigo. Hanggang sa biglang nagdesisyon ang kanyang Papa na pag-aralin ito sa America. Lalong binalot ng galit ang kanyang puso para kay Rodrigo. Siya itong anak ni Don Amado pero mas pinili pa ng ama na pag-aralin ang sampid sa America. Hindi na niya alam kung ano ang itsura ni Rodrigo simula noon. Nagpapadala man ito ng litrato ay hindi niya kailanman sinubukan na tingnan. Litrato? Tama! Kailangan niyang makita ang ilang litrato nito upang malaman niya kung dumaan ito sa plastic surgery. Minabuti niya na bumaba. Hinanap niya ang Yaya Miling niya. Siguradong alam nito kung saan nakalagay ang litrato ni Rodrigo. Natagpuan niya ang kanyang Yaya na nasa garden. Kasalukuyan itong nagdidilig ng halaman.
"Yaya," tawag niya rito na ikinaling
