Chapter 30: Surprised
NANG makapagpahinga na si Agatha matapos nitong umiyak kay Lucien ay nanatili na lang si Lucien sa tabi ni Agatha.
At dahil kasama niya si Beelzebub at Seraphim ay pinapanood lang siya ng dalawa. Napansin naman ni Lucien na hindi mawala ang ngiti ng dalawa kaya naman kumunot ang noo niya.
"Anong meron at nakangiti pa kayong pareho?" takang tanong ni Lucien kaya mas lumawak ang ngiti ni Beelzebub at Seraphim.
"Natutuwa lang talaga ako, Lucien dahil sa wakas ay nagkaayos na kayo ni Agatha. Sigurado akong pagmula ngayon ay hindi na ulit masasaktan si Agatha," nakangiting sabi ni Seraphim.
"Tama itong anghel na kasama mo, Lucien. Sigurado rin akong hindi na ulit masasaktan ang babaeng iyan kapag ikaw ang nasa tabi niya," nakangising sabi pa ni Beelzebub.
Napangiti
