CHAPTER 10
Nang may nag-buzzer lalo na’t sunud-sunod at hindi humihinto ay alam ko nang si Ram na nga iyon. Inisip ko kaagad ang kaligtasan ni Jyles.
“Halika, doon ka muna sa kuwarto ha?”
“Itatago mo ako?”
“Oo. Kailangan mong magtago ha? Halika. Ihatid kita do’n. Kunin mo ang mga pagkain na yan at sa kuwarto mo na lang kakainin.”
“Sige gusto ko talaga ‘yan. Magtago.”
Naawa ako. Para na talaga siyang ibang tao. Para siyang bumalik sa pagkabata.
“Mula ngayon, hindi ako papayag na makuha ka pa ni Ram. Ako ang makakaharap niya. Huwag na huwag kang lumabas dito sa kuwarto hangga’t di kita pinupuntahan, okey.” Matigas ang pagkakasabi ko do’n.
“Oo, sige ha. Dito lang ako. Kain muna ako ha?”
Tumango ako. Hindi na siya ang dating Jyles na nakilala ko at minahal. Masyado na si
