CHAPTER 18
Alam kong hindi maganda ang ginawa ko, nagmumukha akong suplada ngunit hindi pagsusuplada ang intensiyon ko. Nahihiya ako. Hindi ako sanay na pinapansin at nilalapitan ng kasing-gwapo niya. Wala sa hinagap ko na isang araw ay may aali-aligid na sa akin na gustong magpakilala. Iyon siguro ang kailangan kong paghandaan. Dapat marunong na akong humarap sa kahit anong klaseng tao at yakapin ang aking kagandahan.
Dahil sa kagustuhan kong mapaganda ang katawan at mukha ko kaya bulsa ko ang naisakripisyo. Sa halos isang taon ko sa Dubai, wala akong naitabing ipon. Kung hanapin mo kung nasaan ang pera ko, makikita iyon sa ipinagbago ng mukha ko, ng katawan at pananamit pati na rin sa mga gadget at accessories ko. Hindi na ako iyong dating si Khaye na maitim, pango ang ilong, puno ng t
