"Bakit bigla mo kaming inimbitahan dito?" tanong ni Kiesha habang inaayos ang malaking tent.
Nasa malawak na field kami ng labas ng bahay namin. Naisipan ko kasing mag-camping kami ngayon. Dahil na rin weekends wala akong magawa buong araw kundi ang humilata na naman sa kwarto ko. Gusto ko na nga araw-araw may pasok para kahit papaano hindi ako makaramdam nang pagka-boring sa Mansion.
"Ang laki pala talaga ng bahay niyo, Roshana. Hindi ko akalaing dito kayo nakatira. Mukha times five itong Mansion niyo sa bahay namin," puri pa ni Brix. Pati rin kasi siya sinama ko.
Mabuti na lang wala nang problema sa mga lalaking kapatid ko lalo na kay Jeho nang inimbitahan ko sila rito. Binaalan ko rin sila na huwag magsalita ng masama kay Brix dahil kung pakialaman nila ang bisita ko at itataboy, h
