"Anong ginagawa mo, Damian?" mabilis na tanong ni Manang Erna pagkatapos makitang tinatakpan nito ng kumot si Venice.
Tinitigan lamang siya ng binata at napabuntong-hininga. Bakas sa mga mata nito ang pag-alala ng mapansin nitong kanina pa nakabaluktot ang among babae dahil sa sobrang lamig ng aircon.
"Nilalamig siya kaya kinumotan ko," maikli nitong sagot.
Tinapik naman ng ginang ang matipunong balikat ni Damian. Inobserbahan nito ang mga mata ng binata dahil hindi pa rin nito inaalis ang paningin kay Venice.
"Baka makita ka ng Senorito, mapahamak na naman kayong dalawa ni Venice," sambit nito ng may halong pangangamba.
Hindi nito mawari kung kutob lang ba o masyado itong advance mag-isip pero napansin nito ang pag-aalala ni Damian sa amo nilang babae. Malayo ang mga tingin nito sa t
