Kabado man ngunit pinilit ni Venice ang sariling umakyat sa private plane na pagmamay-ari ng lolo ni Cross. Tahimik ang asawa nito na nakaupo sa kanyang tabi pero naglulumikot ang magkabilang kamay na para bang nag-eensayo.
Napahawak na lamang ito sa kanyang sentido dahil hindi pa tuluyang nawawala ang hangover mula sa ininom nilang brandy ni Cross. Baka mamaya madagdagan pa ito ng jetlag mula sa byahe nila.
"Share me your luck, Venice." Pahapyaw na wika ng asawang nakaharap sa bintana.
Napaangat ang kilay niya rito. "Paano kung ayoko?"
"I'll steal it from you or do you want to be my substitute?" napakalumbaba si Cross at bumuntong-hininga.
Nakita ni Venice ang kaba sa mga mata nito, tila naglaho yata ang confidence at yabang na naramdaman niya dito noong una silang magkita. Kinakaba
