Mas gugustuhin pang manatili ni Venice sa isang maliit at madilim na kwarto kesa makasama ang isang tulad ni Cross. Masama ang loob nito sa asawa dahil pagkatapos niyang ibigay ang lahat ay may gana pa itong pagdudahan siyang nakikipaglandian kay Damian.
"Pasensya na po Manang Erna, wala po akong balak bumalik sa mansyon," nakayukom nitong sambit habang nasa paanan si Miku at nagpapalambing sa kanya.
"P-pero baka mas magalit ang Senorito na hinahawakan mo dito si Miku, Anak." Nag-aalalang sambit ni Manang Erna.
Alam ng ginang kung paano magalit ang amo kapag may humahawak sa mga alaga nito ng walang pahintulot. Sabihin mang asawa nito si Venice ngunit natatakot siyang baka matulad ito sa ibang pinahirapan ni Cross noon. Maliban doon, baka mas uminit pa lalo ang ulo niya dito.
Umiling n
