[Lucy's POV]
Nanatiling nakatuon ang mga mata nito sa akin na para bang sa akin lamang umiikot ang mundo niya. Gumaan ang loob ko dahil para bang pinaramdam nito sa akin na wala akong dapat pagsisihan sa naging desisyon ko dahil sa kabila ng magaspang nitong ugali ay mas nangingibabaw pa rin ang respeto niya sa akin bilang isang babae.
Lihim akong napangiti at sinadyang ilapit ang mukha papalapit dito.
"Kiss me," may kinang sa mga mata kong sabi para sulitin ang kabutihang ipinapakita niya sa akin sa mga oras na ito.
Hindi naman masama 'di ba? Minsan lang naman kung saniban siya ng mabuting espiritu kaya dapat ko nang sulitin.
Napangiti ako saka hinaplos na lamang ito sa kanyang balikat.
"Gusto kong iparamdam mo sa akin na wala akong dapat pagsisihan sa naging desisyon ko," malambin
