Kidnapped By The Devil (tagalog) COMPLETED

Matapos ang labanan sa pagitan ni Acrine at ang mga kasamahan ni Lezlie ay napuruhan si Acrine malapit sa kanyang puso. Agad siyang nagpumunta sa inihanda niya pentagram sa loob ng bahay at doon pinatakan ng kanyang dugo galing sa sugat niya. Pumunta siya sa Helhiem para hilingin ang muling pagkabuhay ni Red kapalit ng sarili niyang buhay. Pagtapak na pagtapak niya palang sa tarangkahan ay agad na nag alolong ang mabangis na asong nagbabantay sa tarangkahan ng kaharian na si Garm upang gisingin ang dragon na si Nidhogg. Agad siyang tumakbo papasok sa palasyo at ipinagsawalang bahala ang paghabol sa kanya ni Garm. Nang makatungtong siya doon ay agad siyang sumigaw. "Hel! Reyna ng Helhiem naparito akong para hilingin ang muling pagkabuhay ng aking kapatid na si Red kapalit ng aking buhay!" sigaw niya at agad na lumakas ang ihip ng hangin. Biglang sumulpot si Hel sa kanyang harapan at agad ding lumapit sa kanya ang asong nagbabantay sa tarangkahan. "Hindi sapat ang buhay mo mababang nilalang." sagot ni Hel sa kanya. "Kung ganon ano ang iyong kahilingan?" tanong ni Acrine sa kanya. "Di bale nalang may iba pa akong plano. Bubuhayin kong muli ang iyong kapatid kapalit ng iyong buhay ngunit may iba pa akong kahilingan na tangging siya lang ang makakagawa. Sige Nidhogg higupin mo na ang lahat niyang dugo sa katawan." napapaisip na sabi ni Hel bago inutusan ang dragon na higupin ang lahat ng dugo sa katawan ni Acrine. "Aaaahhhh!!!" daing na sigaw ni Acrine habang unti-unti siyang hinihigop ng dragon. "Bumangon kang muli Red Vonvellrie!" sigaw ni Hel at muli naman siyang sumulpot mula sa kawalan. ~♥~~♥~~♥~~♥~~♥~~♥~~♥~~♥~~♥~~♥~~♥