Chapter Forty-four
Masakit ang ulo ko. Ayaw ko pa sanang dumilat pero dahil naalala ko si Rosally ay pinilit kong bumangon. Deretso sa banyo dahil pakiramdam ko'y nasusuka ako. Hindi maganda sa pakiramdam ito. Hindi naman ako tumitikim talaga ng alak. Pero ang sarap kasi no'ng alak ni Mommy Quinn. Sa sobrang sarap ay alam kong naparami ako ng inom.
Hindi ko na rin namalayan ang oras. Kagabi pa ba kami umuwi ni Quiran? Iyon ang tanong ko habang halos ibigay na ang buong bigat sa toilet bowl. Sinubukan kong tumayo pagkatapos kong i-flush iyon.
Saka ako naghilamos sa lababo.
Masakit talaga ang ulo ko na may kasama pang hilo. Para rin akong lalagnatin.
Sa pagkakaalam ko'y dadalo pa kami later sa birthday party ni Mommy Quinn. Pero paano ako haharap sa mga ito kung ganito ang pakiramda
