Chapter Forty
"Ang pangit naman ng bida." Nakatatlong movie na kami ni Quiran. Sa awa naman ng Diyos ay hindi nito iyon pinatay. Basta inuunahan ko na lang ito ng ganoong linya.
"Okay lang naman. Maganda naman ang flow ng movie." Nakahiga kami rito sa kama. Magkayakap habang ang tingin ay nakasentro sa TV. Umuulan na naman at malamig. Bukas ay babalik na kami sa bahay dahil may pasok na ito. Sinusulit lang namin ang araw na ito... pero walang s*x siyempre. Baka raw kasi'y lagnatin ulit ako. So, ang goal ay pagalingin muna si Kiffey.
"Inaantok na ako, Quiran. Patayin mo na. Ang pangit naman ng bida." Napabungisngis ang lalaki na agad namang dinampot ang remote at in-off iyon.
Saka initsa na lang sa kung saan at niyakap ako.
"Good night, Bituin. Nag-enjoy ako sa ilang araw na kasama ka
